Okhuma 11
11
Nihooxo nanaamuloko
1Vano Yave aamweerela Moisesi: “Kinoomurumihelatho Farawu* ni wExipitu nihooxo nookisera. Wa nenno, owo onimootthuniherani ovenya va. Mpaka onoowoomolani woohihela iperwa. 2Mwaaleele atthu – asilopwana ni asithiyana – weera yaavekele aximwaattamanaaya itthu sa iyuuma soorikaxa.” 3Yave aahaakhaliha awExipitu oosivela mulokwaawe. Ohiya toko yeeyo, Moisesi muneenaawe aakhalano epili etokotoko wExipitu ni anamalakaawe Farawu* ni muloko wa awExipitu. 4Vano Moisesi aamweerela Farawu*: “Yave eenre ha: ‘Ehuhu ya ohiyu eriyari kinooviravira mwExipitu moothemwene. 5Matthaara ootheene a awExipitu animookhwa – okhuma ntthaara na Farawu* namukalamba, mpaka ntthaara na epottha ethiyana enxila, mpakatho matthaara a mihuwosaya. 6Vano onuukhale okhuwela ni wiinla otokotoko mweelaponi yootheene ya wExipitu ohitonke okhumelela naari khoorwa okhumelelatho. 7Wa soothesene, variyari wa aYixrayeli kheewo yoonanara eneera yaakhumelele atthu hoye hoye axinama. Vano munoosuwela weera Yave onoohiyanyiha oYixrayeli ni wExipitu. 8Anamalakaanyu ootheene ala animoorwa wa miyo ekikokhorelaka, ekidyoonttelelaka: ‘Mpwahe nyuwo vamoha ni mulokwaanyu onoottharani!’ Vahoolowaya kinoopwaha.” Vano, anyoonyiweene vancipale, Moisesi aavenya wa Farawu*. 9Yave aamweerela Moisesi: “Farawu* kharwa awiiwaani weera sootikhinihasaka saandyeerereye wExipitu.” 10Moisesi ni Aharoni yaapaka sootikhiniha sootheene iye ohoolo wa Farawu*, mene Yave aahuumiha murimaawe ni khaatthunihera opwaha aYixrayeli mulaponi.
Currently Selected:
Okhuma 11: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
