Psalm 20
20
[Psalm lal David]
Sie Pre In Suk Kutangla
1Lela tuh LEUM GOD Elan topuk kom in pacl kom muta in ongoiya!
Lela tuh God lal Jacob Elan karingin kom.
2Lela tuh Elan supwaot kasru lal nu sum liki Tempul lal
Ac kasrekom liki Eol Zion.
3Lela tuh Elan engan in eis mwe sang lom
Ac insewowo ke mwe kisa lom nukewa.
4Lela tuh Elan asot nu sum ma kom kena kac
Ac oru tuh pwapa lom nukewa in wo ouiya.
5Na kut ac fah sasa ke engan ke sripen kutangla lom,
Ac kut fah kaksakin God lasr ke kut akfulatye kutangla lom.
Lela tuh LEUM GOD Elan topuk mwe siyuk lom nukewa.
6Inge nga etu tuh LEUM GOD El asang kutangla nu sin tokosra se su El sulela;
El topkol liki acn mutal sel inkusrao me,
Ac ke ku lal El asang kutangla lulap nu sel.
7Kutu mwet uh filiya lulalfongi lalos ke chariot
Ac kutu ke horse natulos,
A funu kut, kut filiya lulalfongi lasr ke ku lun LEUM GOD lasr.
8Mwet ma ouinge uh elos ac tukulkul ac ikori,
A funu kut, kut ac tu na ac tia mukuikui.
9O LEUM GOD, sang kutangla nu sin tokosra;
Topuk kut ke kut pang.
Currently Selected:
Psalm 20: KOS
Highlight
Copy
Compare
Share
Want to have your highlights saved across all your devices? Sign up or sign in
This text is in the Public Domain due to copyright expiration.
