Sir 49
49
1Okwijuka Yosiya ni nk'omugaju gw'obubaani ogurikutaamirana,
oguboneziibwe ow'obwengye ojwanzya emigaju.
Okumwijuka nikunurira ibara kanwa nk'obwoki,
kuri nk'amaraka garikweshongorera aha bugyenyi burimu viino.
2Akakora ebihikire yaahindura abantu,
yaamaraho emicwe yaabo erikunugwa
ey'okukora ebitahikire.
3Akata omutima ahari Mukama; omu biro by'enkozi z'ebibi
yaateera abantu omuhimbo kutiina Ruhanga.
Abandi bagabe hamwe n'abarangi
4Okwihaho Daudi na Hezekiya na Yosiya,
abandi boona bakakora munonga ebibi
ahabw'okuba bakareka kukuratira eiteeka rya Rukiraboona,
haza ekyokyareetera abagabe ba Yuda kuhweraho kimwe.
5Manya amaani gaabo bakageegyekyerera abandi,
n'ekitiinwa kyabo baakiha erindi ihanga.
6Eryo ihanga ryayotsya orurembo orwatoorainwe,
orwabaire rurimu Omwanya Ogurikwera;
enguuto zaamwo ryazicwa eitongo,
nk'oku Yeremiya yaakirangire.
7Obwo Yeremiya bakaba baamubobonaboneise;
nobu araabe yaabaire atoorainwe kuba omurangi
akiri omu nda ya nyina,
kurandura, kubonabonesa n'okucwekyereza,
hamwe n'okwombeka n'okubyara.
8Ezekieli niwe yaayorekirwe ekitiinwa kya Mukama,
eki Ruhanga yaamushuuruuriire
ari aha kigaari kya baakerubi.
9Ahabw'okuba Ruhanga akaijuka abazigu be,
yaabateeza eihunga;
kwonka abatarateishukire muhanda ogugororokire,
yaabakorera ebirungi.
10Nkaabaasibwa ki amagufa g'abo barangi ikumi na babiri
gagarukwamu amagara okwo ei babyami
ahabw'okuba bakahuumuriza abantu ba Yakobo,
baabacungura baine obwesigye n'amatsiko.
Zerubabeeli na baatatenkuriitwe abandi
11Mbwenu Zerubabeeli tumusingize tuta?
Akaba ari nk'empeta eriho akamanyiso
ey'aha mukono gwa buryo ogwa Mukama.
12Na Yeshwa mwene Yozadaaki nikwo yaabaire ari.
Omu biro byabo bakombeka Nyaruju,
baimukiza Mukama eihanga eririkwera,
eryatairweho kuguma riri eryekikitiinwa ebiro byona.
13Na Nehemiya aryaguma naijukwa.
Akatwimukiza ebisiika ebyabaire bigwire,
yaataho amarembo n'ebihongorezo by'emiteehimbwa,
yaayombeka busya amaju gaitu agaabaire gasheenyukire.
14Tihariho muntu orahangirwe omu nsi
orikushushana na Enoka,
ahabw'okuba we akatwarwa yaihwa omu nsi.
15Kandi tihariho orazairwe ori nka Yosefu,
owaabaire omwebembezi wa beene ishe,
akahigika eihanga, n'amagufa ge gakarindwa.
16Sheemu na Seeti bakaheebwa ekitiinwa omu bantu,
kwonka owaakizire ebindi byona ebyahangirwe ni Adamu.
Simooni omuhongyerezi omukuru
Currently Selected:
Sir 49: RKK2008
Highlight
Copy
Compare
Share
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.