Sir 43
43
1Ekireetera obwenga bw'eiguru kihimbisibwa
n'orukanga rwaryo rukinguukire.
Ebishi eiguru rireebeka riri ery'ekitiinwa!
2Eizooba ku rireebwa niryaka nirigyenda,
riba ekintu ky'okutangaaza eki Rukiraboona yaakozire.
3Omu ihangwe ryomya ensi.
Mbwenu n'oha owaakwemera ekibabo kyaryo?
4Manya omuntu orikwenegyeza etanuuru aitwa empiita,
kwonka eizooba ribabura enshozi nkayo emirundi eshatu,
rishohoza orwoya rw'omuriro,
riita amaisho n'amaranzi gaaryo agarikumurinkana.
5Ebishi Mukama owaarihangire kandi oragiira
rikeehuuta omu rugyendo rwaryo, ni mukuru!
6Okwezi akakuhangira okwaka omu magingo gaakwo,
kumanyisa obunaku, n'okuba akamanyiso k'obutwire bwona.
7Okwezi nikwo kumanyirwaho ebiro bikuru,
omukyera gwakwo gwagyenda nigutuuba kuri ekizooro.
8Omwezi gwetererwa okwezi,
nk'oku kugyenda nikuhindura emireebekyere yaakwo erikutangaaza,
kuri ebendera y'amahe g'omu iguru,
nikwakira omu bwenga bw'eiguru.
9Ekitiinwa ky'enyonyoozi kiba oburungi bw'eiguru,
ekijwaro kirikwengyegyetera ahaiguru owa Mukama.
10Nyakwera ku aragiira, zeemerera omu myanya yaazo,
tizigira bu zihuumwize okwaka kwazo.
11Hanga amaisho omuhanganzima, haza osiime owaaguhangire.
Oburungi bwagwo omu kumurinkana tibukareebwaga.
12Gwegondeka ahaiguru n'obuta bwagwo bw'ekitiinwa
obwainikirwe engaro za Rukiraboona.
Eby'okutangaaza bya Ruhanga
13Ruhanga omu kuragiira kwe ayohereza eihunga ry'orubaare,
arahutsya omurabyo kuhikiiriza encwa ye y'orubanja.
14N'abw'ekyo amabiikiro ge gaigwire,
n'ebicu ebigarugamu bizeereera nk'enyonyi.
15Ahabw'obukuru bwe arundaana hamwe ebicu,
biragwamu obubumburi bw'orubaare.
16Ku aboneka, enshozi zitengyeeta,
ku ayenda, omuyaga gw'obukiizi-bwa-buryo guhuuha.
17Eiraka ry'enkuba ye rikabukira ensi,
n'omuyaga gw'omu bukiizi-bwa-bumosho n'ogw'akasooroora nikwo bigira.
Ataraakisa orubaare nk'enyonyi zirikuteekama ahansi,
n'okuragara kwarwo kuba nk'okwenzigye zirikugwa.
18Eriisho ritangaarira oburungi bw'okwera kwarwo,
n'omutima gutangarira okugwa kwagwo.
19Ashuka omurombe gw'ekihuura ahansi nk'omwonyo;
ku guba orubaare, gushongora nk'amahwa g'emityaza.
20Omwinuro gw'omu bukiizi-bwa-bumosho ku guhuuha,
ebirika byakwatanira aha maizi,
biguma ahari buri kiyanja
amaizi gabijwara nk'ekyoma ky'okwekingiza aha kifuba.
21Asiriiza enshozi, ahabura amahamba,
ayotsya obunyaatsi bw'omuroba nk'omuriro.
22Omurombe gutambira ebintu byona ahonaaho;
orume ku rutonda ruhoza empiita.
23Ahabw'obwengye bwe akategyeka amayanja amahango,
yaagatamu ebirwa.
24Abagyendera omu maato aha nyanja, ku batebya akabi kaayo,
tutangaazibwa ebi batugambira.
25Manya ebamu eby'okutangaaza ebi Ruhanga yaakozire ebitakareebwaga,
ebiine amagara eby'emiringo yoona
n'ebindi bihangwa rutaaba.
26Ahabwe entumwa ye ebona omuhanda,
n'ahabw'ekigambo kye ebintu byona bikwatanisa.
27Nobu twakugamba tuta, titukaaheza,
kureka okuteerana ebigambo byaitu tuti: Niwe byona!
28Mbwenu tukaiha hi amaani g'okumuhimbisa?
Manya ni mukuru okukira byona ebi yaakozire.
29Mukama naatiinisa, ni mukuru munonga
n'obushoboorozi bwe n'obw'okutangaaza.
30Ku oraagume waamuhimbisa,
omuhaisereze munonga nk'oku orikubaasa.
Ku oraamuhaisereze, koresa amaani gaawe goona kandi otaruha,
ahabw'okuba torikubaasa kumuhimbisa ekirikumara.
31Mbwenu n'oha oramureebire akamushobooroza oku ari?
Nari n'oha owaakumuhimbisa nk'oku ashemereire?
32Ebintu bingi bikuru ebirikukira ebi bikisherekirwe,
ahabw'okuba ebi yaakozire ebi twareebire nibyo bikye.
33Manya Mukama akahanga ebintu byona,
n'abarikumutiina akabaha obwengye.
Okusingiza baatatenkuriitwe
Currently Selected:
Sir 43: RKK2008
Highlight
Copy
Compare
Share
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.