Sir 42
42
1Kwonka ebi otaribigirira enshoni,
kandi otarikiriza kugwera orubaju,
kikakureetera okukora ekibi.
2Otarigirira enshoni eiteeka rya Rukiraboona n'endagaano ye,
nobu kwakuba okwiha orubanja aha batashongoka ahari Ruhanga.
3Otarigirira enshoni okubiika empiiha hamwe n'ou okwataniise nawe,
nari na bagyenzi baawe abu murikugyenda kumwe,
nainga okubaganisiza banywani baawe eby'obuhunguzi,
4okuhitsya gye ebi waagyeresa minzaani n'endengo,
n'okutunga bingi nari bikye,
5okutunga amagoba gu oihire omu kuguraana n'abashuubuzi,
okumanyiiza abaana emitwarize mirungi,
n'okuteera omwiru waawe mubi ebyasha.
6Omukazi waawe yaaba atarikwesigwa,
nari haaba hariho baingi abarikukwatsakwatsibwa,
ni kirungi okugira ahi waakomera ebintu byawe.
7Byona ebi orikushuubura bigume bibarwe, bipimwe,
kandi ohandiikye ebi orikushohoza n'ebi orikutaasya.
8Otarigira enshoni kuhabura otaine bwengye nari omushema,
nainga omuntu okuzire yaaba naatongana n'omuto.
Obwo nibwo oriba oyegyesiibwe omu mazima,
okasiimwa abantu boona.
Eby'omwishiki n'omukazi
9Omwishiki aba ekintu ekitarikwetegyerezibwa,
ekireetera ishe kuguma atatuurize,
kandi okwemerereza muhara we omutima, kumubuza oturo;
ku aba akiri muto, ati shana tarishwerwa,
ku ashwerwa, ati shana tarikundwa,
10ku aba akishugaine, ati shana akaatandwa
nari atwarira ey'endaaro aha mahega.
Akiba aine iba, ati shana akaafa omutima,
nari yaaba ashweirwe, ati shana akaaba engumba.
11Gumya eriisho ahari muhara waawe kitwe-kiguma,
atakaakushekyereza abazigu baawe,
okaba ekigaaniiro omu rurembo,
okaragaanwa omu bantu,
akakuhemura omu nyanja y'abantu.
12Otarishamaarira omuntu ahabw'oburungi bwe,
kandi otarishutama ahagati y'abakazi.
13Nk'oku emyenda erugwamu ebiyenje,
n'omukazi nikwo azaarukwamu ebibi.
14Omushaija w'eitima naakira omukazi w'embabazi;
manya omukazi niwe aitsa abantu enshoni kandi niwe ahemura.
Eby'okutangaaza ebi Ruhanga yaahangire
15Mbwenu ka nyijukye ebi Ruhanga yaakozire,
ngambe ebi ndareebire,
Mukama akakoresa ekigambo ebintu byahangwa.
16Nk'oku eizooba rijwisiza ebintu byona omushana,
n'ebi Ruhanga yaahangire nikwo biijura ekitiinwa kye.
17Mukama tarahaire barikwera be
obushoboorozi bw'okumanyisa eby'okutangaaza bye byona ebi yaakozire,
ebi Mukama ow'obushoboorozi bwona yaataireho,
ngu ensi n'eiguru byemerere
bihamiire omu kitiinwa kye.
18Acaaka eby'okuzimu n'eby'omu mitima y'abantu,
ashwijuma ebi bakoresa amengye gaabo.
Rukiraboona amanya byona ebimanywa,
ayetegyereza n'obumanyiso bw'okukuratana kw'obunaku.
19Amanyisa ebirabaireho n'ebiribaho,
ayerura ebirari by'ebyasherekirwe.
20Tihariho biteekateeko bi atamanya,
tihariho kigambo na kimwe ekimusherekwa.
21Akatebeekanisa gye eby'okutangaaza
ebi yaakoreise obwengye bwe
kandi n'ow'obutwire n'obutwire.
Tihariho kibaasa kwongyerwaho nari kucuubwaho,
kandi tayetenga muntu weena kumuhabura.
22Ebishi byona ebi yaakozire bitwara omutima!
Ebishi biita amaisho kubireeba!
23Ebyo byona bibaho kandi bigumaho ebiro byona
ahabw'ekyabitaisizeho, haza byona bimworobera.
24Ebintu byona biba bibiri bibiri,
ekimwe kitarikushushana na kigyenzi kyakyo,
kandi tihariho eki yaahangire kitahikire.
25Buri kimwe kihamya oburungi bwa kigyenzi kyakyo.
Mbwenu n'oha owaakuhanga amaisho ekitiinwa kye akakihanga?
Eizooba, okwezi, enyonyoozi n'omuhanganzima
Currently Selected:
Sir 42: RKK2008
Highlight
Copy
Compare
Share
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.