Kur 31
31
1Nyakubaho akagambira Musa ati: 2Reeba naatoorana Bezaleeli mwene Uuri mutabani wa Huuri ow'omu ruganda rwa Yuda, 3naamwijuza Mutima wa Ruhanga hamwe n'okubaasikirwa, n'obwengye n'okwetegyereza n'obunyamyoga; 4kucwa obwengye bw'okukora eby'obunyamyoga, kuheesha eby'ezaabu n'eby'efeeza n'eby'emiringa; 5kucweregyerera amabaare g'okuhundisa, kusharura embaaho n'okukora emirimo y'obunyamyoga yoona. 6Mbwenu hamwe nawe naatoorana Oholiyaabu mwene Ahisamaki ow'omu ruganda rwa Daani, kandi abo bantu naabaha obwengye bw'okubaasikirwa, babone kukora byona ebi naakuragiira: 7eihema ry'okubugabuganiramu, eshanduukye y'eby'obuhamya, ekitebe ky'okusaasira ekigishutamiho, na byona eby'omuri eryo ihema; 8emeeza n'ebirikugikoresibwaho, n'ekikondo kyetabaaza ey'ezaabu empuuhe n'ebyakyo byona ebirikukoresibwa; n'eitambiro ry'okwotereraho obubaani. 9Taho eitambiro ry'ebitambo by'okucwetsya, na byona ebyakyo ebirikukoresibwaho, n'ekinaabiro hamwe n'ekibunu kyakyo. 10Kandi n'ebijwaro ebibaziirwe gye: ebijwaro ebirikwera ebya Arooni omuhongyerezi n'eby'abatabani, eby'okujwara nibakora omurimo gw'obuhongyerezi; 11taho amajuta g'okusiiga, n'obubaani bw'okutaamiranira Omwanya Ogurikwera. Ebyo byona babikore nk'oku naakuragiira.
Ekiragiro ky'okuhuumura ahari Sabato
12Kandi Nyakubaho akagira Musa ati: 13Gambira Abaisiraeli oti: Mugume murinde Sabato zangye, ahabw'okuba Sabato n'akamanyiso kangye naimwe omu busingye bwanyu bwona, mubone kumanya ku Nyowe Nyakubaho niinye mbeeza. 14Mugume murinde Sabato ahabw'okuba n'erikwera ahariimwe. Omuntu weena origishiisha aryaitwa; na weena origikoreraho omurimo gwona aryacuubwa omu ihanga. 15Mugume mukore emirimo omu biro mukaaga, kwonka ekiro kya mushanju ni Sabato ey'okuhuumuririraho kimwe. 16N'ahabw'ekyo Abaisiraeli bagume barinde Sabato, nibahitsya emigyenzo yaayo omu busingye bwabo bwona, eri endagaano etarihwaho. 17Ako kabe akamanyiso kangye n'Abaisiraeli ak'ebiro byona, ku omu biro mukaaga Nyakubaho yaahangiiremu eiguru n'ensi, haza aha kiro kya mushanju akahuumura akaruhuuka.
18Nyakubaho ogwo ku yaaherize kugamba na Musa aha Rushozi Sinaayi, yaamuha ebishate bibiri by'eby'obuhamya. Nibyo bishate by'amabaare ebi Ruhanga yaahandiikireho n'orukumu rwe.
Enyana ya zaabu
Currently Selected:
Kur 31: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
