Ŋúnuyɔ 3
3
Yewe wiī nɛ siɛn suu
1 Dawuda ŋúnudanʔa gī gàa pe ŋú nɛ́ yakpuɔnrɔ ní dè. Lɛ̀lɛ líì nī wi 'puu nɛ fé wi jaa Abisalɔmi#3.1 Wéli baa Sam2 15.13-37. nɛ̄ wè.
2 Yewe yo, mi piɛnnɛ pe tɔ̀ni yē nìʔɛbɛlɛ díɛʔ !
Piyē nìʔɛnɛ, bàli pe 'yɛ̀ mi kúrugu bèle !
3Piyē nìʔɛnɛ, bàli pe ki nyu nɛ́ jo:
«Suɔdiʔɛ ní wè tíin wi mɛ́ Kulocɛliɛ táanni wèʔ !» Ye‑ ŋɔ́ cɛ̀.
4Nɛ̀ ki yaʔa muɔ Yewe wè, muɔ yē mi timɔzigege
nɛ mi ciʔigi nɛ wéli lìʔɛgɛlɛ ke mìɛni nī;
muɔ yē mi kpuʔɔrɔ taadiʔɛ;
muɔ ma mi kɛn mi nɛ tári nyùgo ní gè yɛ̀rigɛ.
5Mi 'kòkuugbuɔlɔ wáa Yewe kúrugu wè,
a wi 'lúʔu m'mɛ́ wi nyagurugo nɛ̄ gè gàa gī wàlidɛngɛgɛ gè !
Ye‑ ŋɔ́ cɛ̀.
6Mi wè, mi 'sínɛ nɛ̀ ŋɔ́ni;
ba mi 'yɛ̀ wè, mi nɛ̂ ki nyaa Yewe nyɛ́nì mi tuʔɔ.
7Kire nɛ̄ mi wè nɛ fìʔɛ́ siɛnniʔɛbobo báà nɛ̄ bèʔ,
bàli pe 'yéri nɛ̀ mi màʔa nɛ̀ suʔu bè tún nɛ́ mi ní wè.
8Yɛ̀ yo, Yewe ! Ma mi suɔ, mi Kulocɛliɛ !
Nɛ́ ki cɛ́n muɔ nɛ kadaala kpúɔn mi leguulo pe mìɛni pe gbandeliye nɛ̄ yè,
muɔ nɛ siɛnpiile pe gànʔana kabari gèle.
9Je Yewe mɛ́ suɔlɔ ni 'kɔ́n !
Yewe, muɔ diba wiī muɔ siɛnnɛ nɛ̄ bèle. Ye‑ ŋɔ́ cɛ̀.
Currently Selected:
Ŋúnuyɔ 3: sev
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
