Lawana Nani 9
9
LAWANA 9 (9a)
Gâd lâ kasak dauki yaba mayunra nani
Aiwani nani tâ bri ba wina, plut bara arp nani puhbaia. Debit lawana.
1Dawanki, kupi aiska kira, mamyunan ai daukisa,
diara aihkakira nani sut daukisma ba dahra aisamni.
2Purara pali sma ba,
man ra luki winan ai daukisa, liliakira ni;
¡man ninam mayunra nani aiwanaia
brin ai daukisa!
3Waihli nani maiwan wina plapi auya;
witin nani kauhi pruisa.
4Man sika wihta kasakkira:
man iwaikam ra iwram,
kasakka lâka kat
aisi lâika daukaia.
5Idan nani ba lawi daukram,
upla watawi nani ba sauhki tikram,
¡witin nani lukra ba,
diki sakram ban kaia ra
kli lukbia apia!
6Waihla ba pruan,
bara witin pruan ba wal,
ai tawanka nani ba sin slingwi tiwan sa,
kli baha nani ra lukaia tânka sin âpu takaskan.
7Dawan ba ban kaia ra King aimakisa;
witin ai iwaika ba,
lâ aisi daukaia dukiara ridi daukan sa.
8Witin lâ kasakkira aisi, tasba na lâka daukbia,
wapni lâka kat, witin bui upla sâtka nani sut ba lâka dauki kabia.
9Taiban lâka ra uplika nani ba,
Dawan bui kan kahbisa;
ai sarka paski ba piua ra kan kahbisa.#Law 37.39.
10Dawan,
man mai kakaira nani ba,
man ra kasak lukisa,
mai pliki uplika nani ra,
lulki swiras sma.
11Man nani, Dawan ra lawana aiwans,
witin Saion ra iwi ba;
man nani nisan nani tilara,
witin daukanka nani ba aisas.
12Kupia kriwan uplika nani dukiara, Gâd ba lukisa;
inanka nani ba, witin ai âuya tikras;
saura muni uplika nani ra witin klala yabisa.
13Dawan, umpira ai kaiks,
kaiks misbara ai kaiki uplika nani ba,
nahki sairka paski ba;
¡prura getka nani wina ai sâks!
14Bara baku yang,
Jerusalem getka nani ra,
tasba aiska ra wimna
man mayunra briaia aitani sma,
yang lilia pali sna swaki ai sakram bamna.
15Idan nani ba, witin nani bui
unta pakni salhkan ba, baha bilara kauhbia;
mina nani ba alkbia,
witin nani bui ilis paski yukuki swin ba ra.
16Dawan witin bui ai tânka mairikan:
¡lâ wapni ba aisi daukan!
Watawikira ba silak ra aimakisa,
witin mita paski kahbi swin ba iliska ra.#9.16 Hibru ra ulban sa sela (3.2). Baha ningkara higgayónn, ulban sa higgayónn ba sin tânka param pali apia sa. Tânka pali ba ulban bara kaiks.
17Watawikira nani bara idan nani ba,
Gâd ra lukras ai âuya tiki nani ba,
prura lâka kat witin nani âpu takbia;
18diara luha uplika nani dukiara,
Gâd ban piu bani ai âuya tiki kabia apia,
ai kanra briaia bîla kaiki yaba,
briras baku ban lap tiwbia apia.
19Dawan, bus;
praut nani ba swirka puram lubiara;
¡idan nani mamwanra ba lâka aisi dauks!
20Dawan, witin nani kupia ra sibrin dingks,
¡yarka witin nani tânka bribia,
witin nani ba upla praprura ba!
Currently Selected:
Lawana Nani 9: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
