Lawana Nani 8
8
LAWANA 8
Gâd prana ba, upla ra pain kulkan lâka ba wal
Aiwani nani tâ bri ba wina, sitara ba Gat wina brin. Debit lawana.
1Dawan, wan Dawanka,
¡man ninam ba tasba aiska purara kulkan sa!
¡Man pramna ba kasbrika pura wina
kau laihura lui wisa!#Law 57.5,11; 108.5.
2Tuktan nani mayunra wal,#Mt 21.16.
tuktan nani kau tiala di ba mayunra wal sin,
kan kahbaika pliska kum paskram
waihlam nani mai munan tâka,
baku lika man waihlam nani
bara pana mamunra nani ba, âpu daukma.
3Kasbrika pura man paskram ba kaikisna ba ra, baku sin man bui
kati, slilma nani bahara paski mangkram ba,
4luki kaikisna: ¿Waitna ba dîa sa?
¿Upla paskram ba dîa sa?
¿Dîa muni witin dukiara
kupiam kraukisma bara sin lukisma?#Job 7.17-18; Law 144.3; Hib 2.6-8.
5Man bui witin ba gâd lamkika ra paskram sa,
witin ra mayunaia,
pain kulkaia lâka ni kir kutbram sa,
6witin ba, man mihtam warkka nani dawanka mangkram,
diara sut ai mina mununhtara mangkram.#2 Ko 15.27; Epe 1.22; Hib 2.8.
7Sîp nani, bîp wainhka nani sut,
bara daiwan wail nani sut purara mangkram sa,
8tnawira nani kasbrika ra pâli ba purara mangkram,
inska nani kabu ra takaski ba purara,
¡dîa kabu bilara banhwi ba sut purara sin!
9Dawan, wan Dawanka,
¡man ninam ba tasba aiska ra tara,
purara sin kulkan sa!
Currently Selected:
Lawana Nani 8: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
