Lawana Nani 85
85
LAWANA 85 (84)
¡Yang nani na kli swaki ai sâks!
Aiwani nani tâ bri ba wina, Coré luhpia waitna nani lawana.
1Dawan, man naha kuntrikam na wal pain pali kapram.
Jekob liliaka kata ba kli laki yabram sa.
2Uplikam watawika lâka pâtka ba swih tikram,
bara ai saurka nani kan ba sut sin;
3man lawanka kata sut lamni daukram,
bara man kupiam sauhkanka ba sin.
4Gâd bara wan Sasakra,
¡nanara sin swaki wan sâks
bara ban yang nani wal lawi kapara!
5¿Dîa man bui yang nani maipara
piua sut lawankam ba
ban kaia sa ki?
6¿Wan rayaka ba kli wankma apia,
man uplikam nani kli man ra lilia briaia dukiara?
7Man Dawan,
¡lamtwanka lâka wan mariks, bara swaki wan sâks!
8Dawan dîa aisabia ba walamni,
kan ai uplika ra baman, kupia kumi
lâka ra aisabia bamna,
witin ra kasak luki nani ra baman,
kli witin nani sinskas kra takbiara sin.
9Kasak, sa, Gâd ba wan lamara sa,
ya witin ra kulki nani ba swaki sakaia,
bara ai prana ba wan tasbaya ra bâra kabia.
10Latwan lâka bara kasakka lâka wal prawbia,
kupia kumi lâka bara wapni lâka ba wal ai mawan kiawalbia,
11kasak lâka ba tasbaya wina pâwi takbia
bara wapni lâka ba kasbrika pura ba wina balbia.
12Dawan bui lî ba blîkbia,
bara wan tasbaya ba mâ ailal sâkbia.
13Kasak lâka ba witin kainara wabia
bara ai yabalka ba wapni dauki yabia.
Currently Selected:
Lawana Nani 85: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
