Lawana Nani 84
84
LAWANA 84 (83)
Dawan watla ra kaia brin dauki ba
Aiwani nani tâ bri ba wina, sitara ba Gat wina brin. Coré luhpia waitna nani lawana.
1¡Nahki painkira sa man wamtla ra kaia ba,
Dawan karnika sut brisma ba!
2¡Tempelkam watla kutbanka painkira ba ra kaia,
nahki brin ai daukisa!
¡Kupi aiska kira ni lilia aiwanisni rayaki Gâdka ra!
3Plipli bara tininiska nani altarkam ra plis sakisa,
bahara ai watla mâkaia bara ai luhpia baikaia,
man, Gâd karnika sut brisma ba kingki bara Gâdki.
4¡Lilia pali sa baha nani man wamtla ra iwi ba,
bara takaskras man ninam mayuni ba!
5¡Lilia pali sa, baha nani man ra ai hilpka bri ba,
brin dauki banhwisa,
impakaia man ilkam ba kat waia!
6Nakra laya takan ilka bîla bâk luma kra,
lî kârma ba yaka auhbia,
bara lî auhbia kra yamnika ni banhkan kabia;
7karnika kau tara daukan kabia,
bara Saion ra lika
Gâd karnika tara bri ba kaikbia.
8Dawan, Gâd karnika sut bri ba
Jekob Gâdka, ¡puri sunra na wals!
9Man, Gâd, wan kan kahbaika sma ba,
namkra yamni ni wan kaiks,
man yaura bâk saki briram ba,
king baku kaia.
10¡Kanra yamni sa, yu kum bâra kaia,
man wamtla kutbanka ba ra;
yu tausin latara kaia ba wal!
Brin ai daukisa Gâdki tempelka ra aihwaki kaia,
watawikira nani pliska ra bâra kaia ba wal.
11Kan Gâd sika Dawan,
witin ingni wankisa bara aihwaki wan kaikisa;
Dawan latwan wan kaikisa bara wan
kulkisa baha nani ai raya klin brih iwi ba,
bara yamni ba bahki kulkras.
12Dawan karnika sut bri ba,
¡lilia pali sa baha nani witin ra luki ba!
Currently Selected:
Lawana Nani 84: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
