Lawana Nani 83
83
LAWANA 83 (82)
Pura sunra kum Dawan bal ai lâka daukbia makabi ba
Asaf lawana aiwananka.
1¡Man Gâd, sâp kapara!
¡Aiawi bas bara bîlam praki sâp kapara!
2Waihlam nani ra kaiks,
baha nani misbara mai kaiki nani ra sin:
Turban lâka buki mampara bûi ba.
3Ai âuyama lâka ra, uplikam nani mapara
saura daukaia luki plikisa,
¡man kan kahbi brisma, uplika nani ba mapara sin!
4Witin nani lukisa bal sauhki wan tikaia,
yawan ba nisan baku iwaia apia wisi,
bara kli wan kupia kraukbia apia,
Israel nina ra.
5Witin nani lâ kum daukan, man mampara,
uplika nani sut ba kumi baku taki:
6Edom bara Ismael kiampka nani ba
Moab bara Agar kiamka nani sut,
7Guebal, Amón bara Amalec,
filisteo nani sut, Tiro ra iwi nani,
8bara Asiria nani sut witin ra asla takan,
Lot luhpia nani klahkla karnikira kata ba.
9Madián ra daukram ba baku,
witin nani ra dauks,#Wih 7.1-23.
Sísara ra daukram ba baku, Jabín ra
Quisón tingni ra daukram ba baku;#Wih 4.6-22.
10Endor ra sauhki tikram ba,
¡daiwan kânka tasba ra ba baku yakabram!
11Ai uplika nani ra dauks
Oreb bara Zeeb ra daukram ba baku;#Wih 7.25.
ai wihtka nani sut ra
Zébah bara Salmuná ra daukram baku dauks,#Wih 8.12.
12twi ailal pâwi tasbaya Gâd dukia ba,
witin nani baha dawanka takaia lukan.
13Dawanki, yas kiaya baku aikarwi kaia,
dus wahia lâwan pâsa mita raski brih auya ba baku;
14bara twi nani ami ba baku,
bara il nani ra pauta klauhi ami danh dauki ba,
15¡baku nina blîks warbrikam ba wal,
bara sirang iks man payaskam saura ba wal!
16¡Dawan, witin nani ra swira dauks,
yarka witin nani man ra waia!
17Ban kaia ra yarka swira taki banhwan kabia;
¡bara ai swira taki prui banhbia!
18¡Witin nani ai dara wali banhbia,
man baman Dawan sma.
Kaikbia man baman Laih Purara iwisma ba,
tasba aiska ra!
Currently Selected:
Lawana Nani 83: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
