Lawana Nani 7
7
LAWANA 7
Dawan lâ wihta kasakkira sa
Debit inanka, witin bui Dawan ra aiwanan ba Cus, Benjamín wina daukan ba ra luki.
1Dawan, yang Gâdki;
man ra yukuwaiki plikisni;
¡nini bliki banhwi ba sut wina, swaki ai sâks!
2¡Swaki ai sâks,
kan witin nani ba layan nani baku sa;
swirka witin nani bui wîni ra bisbiara,
swaki ai sakaia ba âpu kabiara!
3Dawan, yang Gâdki,
¿yang naha saurka nani ba wina,
ani ba daukri sa?
¿Dîa yang na lâ kum sauhkri ki?
4¿Dîa yang pâinika kum ra,
saura munri ki,
yamni ba watlika ra?
¿Dîa yang waihli ba,
pâtkas kan rausauhki taibri ki?
5Baku daukri kaka,
waihli ba yarka nini bliki,
ai alki bara tasba kat
ai bataki ai raski kabia,
rispikki lâka brisna ba,
tasba kat batakbia.
6¡Dawan, bus man,
lawanka tara wal;
waihli nani kupia baiwanka mapara taki bus!
¡Man, lâ kasak ba daukaia wiram,
yang tâiwan aimaks!
7Upla sâtka nani ba kainam kir bris
bara man iwaikam ba,
witin nani pura lui laih purara dauks.
8Dawan, man
nisan nani lâka aisi daukisma:
yang lâika aisi dauks,
yang kasakki ba
tânka ba kat;
lâika aisi dauks
pâtkas sna ba tânka kat.
9Gâd kasakkira,
lukanka nani ba laki kaikisma,
ai dara walanka tihu pali ba sin,
¡watawikira nani saurka dauki ba yas takaskbia,
sakuna upla lukanka pain ba swirka bâra ban kabia!#Jir 17.10; Par M 2.23.
10Kaini kahbaika ba, Gâd Laih Purara pali ba,
witinka bui kupia wapni nani swaki sakisa.
11Gâd lika lâ wihtka kasakkira ba,
piu bani saurka lâka ba
saura kulkisa.
12Upla ba kli Gâd ra tawi balras sa kaka,
witin ai sordka buhbi mala daukbia;
witin ai pantamangkika pat bulki ridi brisa,
13witin ai trisbaika klauhi nani ba kahbi brisa,
¡upla ikaia dukia nani ba ridi brisa!
14Man nani watawikira ba ra kaiks:
pat witin biara buisa,
saurka lâka ni kwihra tiwan sa,
bara kunin ba aisubi takbia.
15Witin liwanhta kum salhki daukan,
bara witin baha paknika ra kauhbia,
witin bui daukata ba ra.
16¡Witin watawika lâka lâ krikanka bukata ba,
kli ai lal purara kauhbia!
17Dawan ra mayunamni,
witin kasakkira sa bamna;
Dawan Laih Purara iwi ba nina ra,
mayunra nani aiwanamni.
Currently Selected:
Lawana Nani 7: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
