Lawana Nani 79
79
LAWANA 79 (78)
Jerusalem sauhki tikan ba inanka
Asaf lawana.
1¡Man Gâd, diara nani bri katma sut
idan nani dakbi brin!
Tempelkam holi ba tâski dauki banhwan
bara Jerusalem sut sauhki tikan.#2 Ki 25.8-10; 2 Kr 36.17-19; Jir 52.12-14; Ina 1.1-10.
2¡Nampakan kasakkira nani pruan wîna tara ba,
baha kat swi banhwan sa,
usus nani bara daiwan wail nani pibia dukiara!
3Ai tâlia ba, lî plapi baku Jerusalem aiska ra laiwan,
upla sin âpu kan bikaia.
4Wan lamara iwi uplika nani ba, yang nani laiwaska kikisa,
wan tnaya kir iwi nani ba sin kikisa.
5Man Dawan,
¿ahkia kat kau lawi kama?
¿Ban kau lawi kama pauta klauhi ba baku?
6¡Lawankam tara ba,
yas idan kingka lâka nani ba purara kauhbia
witin nani ba mai kakaira apia,
bara man ra sin ai pura sunras!
7Kan witin nani bui
Jekob ra aiska alki langkan
bara kuntri ba sut sauhki tikan.#Jir 10.25.
8Wan damika nani watawika ba, yang
nani ra aibapaia ai kulkpara;
¡lamtwanka aiska ba yas yang nani ra balbia,
kan yang nani swapi banhri sa!
9Gâd, man, wan swaki Sasakra,
¡hilp wan muns,
pri wan sâks
bara wan saurka sin swih tiks,
man ninam prana ba mita!
10Idan nani wan walaia apia sa:
“¿Anira sa man nani Gâdkam ba?”#Jl 2.17; Miq 7.10.
¡Wan mariks nampakan nani ikan ba,
yas idan nani ba pain kaikbia!
11Silak uplika nani inanka ba wals,
swaki sâks man karnikam ba wal,
baha nani pruaia pâtka ra lakan ba.
12Man, Dawan,
aima 7 pana saura muns,
laimara uplika nani ra,
witin nani man kupiam sauhkan bamna;
13bara yang nani na man uplikam nani sni,
yang nani na man sîpkam klarka bîla ba wina,
piua bani tingki mai wimni
¡mamyunra lawana aiwani banhwi kamni ban kaia ra!
Currently Selected:
Lawana Nani 79: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
