Lawana Nani 78
78
LAWANA 78 (77)
Gâd daukanka nani ai uplika nani dukiara
Asaf lawana, pura sunra upla ra smalkaia.
1Upliki nani, smalkanki ba pain wals;
¡dîa mai wisna ba pain wals!
2Sins tânka maprika ra mai aisaisni,
mai wimni diara nani yukukan ra ba tânka,
baha piua nani patitara luan kata ba.#Mt 13.35.
3Yang nani walri ba, bara kaikri ba
wan aisika nani wan smalkan sa,
4baha ba wan luhpia nani ra yukukamna apia.
Wan luhpia nani wan kanra aula ba wal,
Dawan ra yang nani mayunamna,
ai karnika bri ba, diara aihkakira dauki ba aisamna.
5Gâd mita lâ kum mangkan, Jekob dukia;
Israel ra nahki watauki kaia lâka ba,
bara adar yaban wan damika nani ra
ai kiamka nani ra smalkbia wisi;
6kiamka nani wan kainara aula ba kaikbia,
luhpia nani aisubi takbia ba sin,
baha nani tawi ai luhpia nani ra sin smalkbia;#Kli S 6.7.
7bara witin nani Gâd ra kasak lukbia
bara ai âuya tikbia apia,
dîa witin nani ra daukan ba;
witin nani ai lâka bîla mangkan ba,
alki daukbia dukiara.
8Bara ai damika nani baku kabia apia,
mapara babura bara lukras nani kan ba,
ai kupia bara ai spiritka nani sip bapi buras,
kiamka kum sip kasak lukras ba.
9Efraín kiamka ba aiklabaia dukia nani bri kan,
pantamangka bara trisba;
sakuna aiklabaia piua ra ai ninara tawi wan.
10Gâd bui witin nani wal lâ daukan lâka ba kulkras kan,
smalkanka kat sin wali daukan daukras kan.
11Man dîa daukram dukia nani kata sut ai âuya tikan,
diara aihkakira nani daukram kaikata nani.
12Gâd diara aihkakira nani daukan,
aisikam nani mawanra Soan tasbaya Idsip ra ba:#Imp St 7.8-12.32.
13kabu ba yabal daukan, bara bâk upla nani ba wapi luan,
lî ba kutbanka baku alki takaski bri kan.#Imp St 14.21-22.
14Kakna ra kasbrika pihni ni tâ briram,
bara kakna ba lika pauta klauhan ingnika baku kata.#Imp St 13.21-22.
15Upla iwras tasbaya ra walpa baiki sakram,
bara upla nani ra lî ailal dakakram.
16¡Gâd mita walpa ba wina yan lî plapan,
lî kârma iswi takaskras kan!#Imp St 17.1-7; Kul K 20.2-13.
17Ban sakuna, witin nani takaskras ban Gâd mapara
saura dauki kan;
ban Laih Purara ba mapara buan,
upla iwras tasbaya ra.
18Witin nani sin Dawan ra traika kaikan,
dîa pata witin nani want ba makabi banhwi kan.
19Bara witin nani bui Gâd mapara aisin:
“¿Dawan ba ban pali upla iwras tasbaya ra
tibil kum mangki upla daukaia sa?
20Kasak sa Gâd walpa ba baikan
baha wina lî aubi kan awala baku,
bara tasba ba lî ni banhkan;
¿ban sakuna, plun wankbia ki?
¿Sip kabia wîna ai uplika nani ra dakakaia?”
21Bahamna, Dawan naha wali ai kupia sauhkan;
¡ai kupia baikanka ba pauta klauhan baku kata,
Jekob mapara aman kata!
22Kan witin nani Gâd ra lukras
bara ai hilpa ba dukiara sin kasak lukras.
23Ban sakuna, Gâd adar yaban kasbrika ra,
bara kasbrika purara ba durka kwâkan.
24Bara manâ ba batakan ai uplika nani purara,#Jn 6.31.
plawar mâ ba yaban kasbrika purara ba wina baha pibia dukiara.
25¡Upla ba insal nani pata pin!
¡Gâd mita witin nani ra yaban plun ailal piaia!
26Lalma payaska bara waupasa payaska yaban krawan;
kasbrika pura pali ba wina;
Gâd ai karnika tara ba wal brih balan.
27Ai uplika nani purara wîna yakaban,
tnawira nani ba yaban,
¡kabu un ra auhya nani ba baku takan!
28Gâd bui batakan ai kiampka nani lila ba kat,
baha kiampka kir ba tint watla nani bâra kan.
29Bara witin nani pih ai biara banhwata,
bara baku Gâd mita ai brinka nani ba yabata.
30Baha pata sut pin kau ai bîla ra bri kan,
sakuna kau âuyapah takras kan;
31Gâd lawanka ba witin nani purara kauhan,
bara upla kau karna ba ikan.
¡Israel ra waitna kau karna nani ba yan pruan!#Imp St 16.2-15; Kul K 11.4-23,31-35.
32Baha sut purkara kli saura daukan;
sip kasak lukras Gâd diara aihkakira daukan ba.
33Baha mita Gâd bui rayaka nani ba âpu daukata ai wingka puhbra kum baku ra,
bara sibrin tara dingkan kata.
34Gâd mita iki tikan,
bâra lika witin ra plikan,
witin ra kli bal plikan wapras kira pali.
35Baku sika, Gâd Laih Purara iwi ba ra ai kupia kraukan,
ai kan kahbi bara atki sakata ba ra.
36Ban sakuna, ai bîla bara ai twisa ni
kunin painkira aisi kata,
37Witin nani ai lukanka param apia kan,#Ap St 8.21.
ai lâka nani ra sin kulkras kan.
38Sakuna Gâd ai kupia swapni bri kan,
watawi daukan saurka ba
ban swih tikan bara sauhki tikras kata;
aima ailal ai kupia sauhkanka ba kli swin,
bara ai lawanka tara ba mita yaban bri waras kata.
39Gâd ai kupia kraukan, upla bahki nani kan ba,
sim pâsa baku auya ba bara kli tawi balras kan.
40¡Aima an Gâd bîla wali daukras kan
bara upla iwras tasbaya ra yaban pât wahwan!
41Sakuna kli witin ra traika kaikan;
¡Israel holika ra sarka paskan!
42Baha yua dukiara ai kupia krauki banhras kan,
Gâd mita ai karnika ba wal,
ai waihla nani mihta wina swaki sakata ba;
43Soan kiampka Idsip ra kata ba ra,
diara tara aihkakira daukan;
44awala ba tala daukan bara
baha wina Idsip uplika nani sip diras kan.#Imp St 7.17-21; Si L 11.6.
45Witin nani tilara walmu#Imp St 8.20-24. bara pikpik nani#Imp St 8.1-6. bui pât saura yabi sauhki tikan;
46tristrisia blikan pata mâ nani sut pin,
baha nani kasak wark takata ba.#Imp St 10.12-15; Si L 16.9.
47Lî klaswan, kwah damni dusa nani,
bara wain mâ nasla nani ba sauhki tikata.
48Ai bîpka bara ai sîpka nani ba iki tikan,
lî klaswan bara imyula ba mita.#Imp St 9.22-25; Si L 16.1.
49Gâd ai kupia baiwanka tara ba blikan;
kupia sauhkanka, pât ra lakaia bara kupia wirha daukaia,
pât saura nani balaia ba maisa pakanka nani baku.
50¡Gâd ai kupia sauhkanka aiska ba blikan!
Rayaka kumi ra sin pâtka swih tikras,
sakuna sut ra prura ba yaban;
51¡Idsip ra yaban prui tiwan
taika bara luhpia tawahkia nani ba!#Imp St 12.29; Si L 18.5.
52Israel luhpia nani ba, sîp daknika baku sakan;#Imp St 13.17-22; Law 77.20; Ais 63.11-14.
bara upla iwras tasbaya bâk kli tawanka ra brih wan.
53Pain main kaiki brih taki wan
sibrin kra daukbia sîa,
sakuna ai waihla nani ba lika,
sut kabu ra yaban pruan.#Imp St 14.26-28; Si L 10.18.
54Gâd ai uplika nani ba lika
tasba holi ra brih balan,#Imp St 15.17; Jas 3.14-17.
¡baha unta tara witin bui pura lui brin ba ra!
55Idan nani, Israel mawan wina
tnaya ra lakan;#Jas 11.16-23.
tasbaya ba yuan kiamka bani ra
bara ai kiampka dauki bahara iwan.
56Sakuna witinka mapara bûi
Gâd Laih Purara iwi ba ra traika kaiki banhwata,#Wih 2.11-15.
ai adarka mangkan bîla nani sin walras kan;
57ai aisika nani kan ba baku,
Gâd ba lulki swin bara witin nani lukras kan;
¡sim pantamangka bahki baku kulkan!
58Idan altarka paskan ba mita,
Dawan kupia sauhkan,
aidul nani ra mayuni ba tâwan ai kupia baikan.
59Gâd baha kaikan ba mita,
ai kupia sauhkan
bara Israel ba bahki kulkan;
60Dawan wal aisaia watla,
Siló ra kata ba bahki daukan,
baha sika upla nani tilara,
ai watla bri kata ba.#Jas 18.1; Jir 7.12-14; 26.6.
61Ai waihla nani, witin nani ra yan alkan
ai prana bara karnika aiska tukinka ba,
dakbi brih wata.#1 Sa 4.4-22.
62Ai uplika nani mapara ai kupia sauhkan,
bara ai waihla nani sordka ra prubia wisi swin.
63Tukta waitna nani ba pauta ami pruan;
¡marit takaia tiarika nani ra,
lawana aiwani yabras kan!
64Prîs nani ba sord malika ra ikan,
bara piarkika nani ba ini banhras kan.
65Sakuna Dawan ba kli rawan,
yapan wina bûi ba baku
war aiklaklabra, wain dih bla taki yapi si bûi ba baku,
66bara ai waihla nani sauhki tikan
bara yan sut plapan, mawan ba swira lâka
ni bri si swin ban kaia ra.
67Baha purkara, Josep watla ba kulkras kan,
bara Efraín kiamka ba bâk saki briras kan.
68Juda kiamka ba ni bâk saki brin,
Saion ilka latwankira ba sin.
69Dawan wal prawaia watla kum mâkan,
purara pali, kasbrika pura ba baku,
bara ban kaia ra bapi swin, sim tasba ba baku.
70Ai napakan Debit ba bâk saki brin,
witin ba sîp nani sepadka kan.
71Sîp daknika nani ninara tauki kata ba,
ai uplika nani ra main kaikbia wisi,
Israel luhpia nani sepadka aimakan.#1 Sa 16.11-12; 2 Sa 7.8; 1 Kr 17.7.
72Bara Debit ba, Gâd uplika nani main kaikaia sakan,
bara main kaiki tâ brin ai mihta param, ai kupia sin pain.
Currently Selected:
Lawana Nani 78: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
