Lawana Nani 77
77
LAWANA 77 (76)
Gâd daukanka nani ba dukiara luki kaikanka nani
Aiwani nani tâ bri wina, Jedutún. Asaf lawana.
1Gâd ra bîli baikra karna saki winisni,
witin ai walbia dukiara.
2Ani piua ra, yang sari sna ba ra Dawan ra
plikisni, bara sin mihti nani ba takaskras buki puri sunisna tihmia ra
kan yang sulki ba, sip maisa nihkra sakras sna bamna.
3Gâd ra kupi kraukisna, bara inisni,
baha luki kaikisna bara lukanki ba mâyara takisa.
4¡Man, Dawan, ai swiram sip yapras,
sinski lap tiwan na mita,
sturi sin sip aisaras sna!
5Mani nani luan yua nani ra lukisni;
6kupi krawisa tihmia ra aiwani katna ba,
kupi ra lukisna bara makabi walisni:
7¿Dawan ba ban piu bani
ai kupia sauhki kaia sa ki?
¿Ai kupia yamnika lâka ba ni,
kli yamni wan kaikbia apia ki?
8¿Dîa man lamtwanka lâka ba sut âpu takan ki?
¿Man pramiskam ban kaia kata ba sut lui wan ki?
9¿Gâd ba ai kupia yamnika lâka ba ai âuya tikan ki?
¿Ban luan ba mita ai kupia swapni yawan ra briras ki?
10Kau pali sari sna ba sika,
Laih Purara iwi yaba, yang nani
aikuki patitara pain kata baku apia sa;
11Yang kupi kraukamni,
Dawan mita piua luan ra
diara aihkakira nani daukata ba;
12witin dîa dîa sut daukata ba
kupi krauki kamni.
13Man Gâd, man ba holi sma daukankam nani sut ra;
bamna gâd wala kau tara man wal baku âpu sa.
14¡Man, Gâd diara aihka daukisma ba!
Bamna man karnikam ba nisan sut ra yaram kaikan.
15Man karnikam ni uplikam nani atki sakram,
Jekob bara Josep luhpia nani ba sin.
16Man, Gâd
kabu ba mai kaikan bara sibrin takan
bara lî kau tihu ba sin tatatwan;#Imp St 14.21-22.
17kasbrika ba wina yabram lî auhbia,
bara kasbrika purara alwani bâra kan
imyula sin lipi kan, plis sut ra.
18Pâsa buanka tara tilara alwanikam binka wali kata;
imyulikam lipi ba tasba aiska ra ingwi kata,
bara tasba aiska nikbi kan.
19Man kabu ba yabal daukram;
lî ailal nani bâk wapi luram,
sakuna upla kumi sin, man minam taibanka ba kaikras kan.
20Uplikam nani ra tâ briram,
man sîpkam daknika ba baku,#Law 78.52; Ais 63.11-14.
nampakan Moses, Eran wal ba mita.
Currently Selected:
Lawana Nani 77: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
