Lawana Nani 75
75
LAWANA 75 (74)
Gâd ba Lâ Dadaukra sa
Aiwani nani tâ bri ba wina, “Sauhki tikpara”. Asaf lawana, aiwananka.
1Tingki mai wi banhwisna, wan Gâdka,
tingki mai wi banhwisna;
man ninam ra makabi banhwisna aiwani banhwisna,
man diara aihka nani daukram bamna.
2Dawan ba wisa:
“Anira yang bâk mai saki brimna yua ra,
lâ wapni tânka kat lâmka ba daukamni.
3Ani yua ra tasba ba nikbisa, upla nani
tasba ra iwi ba sut aikuki,
yang bui sika baha playka nani ba alki brisna ba.”
4Taniskira nani ra bara watawi dadaukra nani ra wisni:
“Man nani mamyuni tara pulpara;
5man nani karnikam brisma wisi karna aisapara,
aisaia sma ba ra upla ra saura aisapara.”
6Kan lâ daukanka ba sika lalma wina, muna wina
sin balras, baku sin waupasa upla iwras tasbaya ba wina sin apia.
7Sakuna Gâd sika lâ dadaukra ba;
tila nani ra batakisa bara wala nani ra bukisa.
8Dawan ai lawanka tara kapka ba
ai mihta ra brisa, wain miks munan piawi ba.
Baha wainka ba tasba ra laikbia ba ra,
watawi dadaukra nani sut tasba ra iwi ba
baha laya tahwi ba sut pali dibia.#Jir 25.15-29; Isi 23.32-34; Ab 2.16; Par M 14.10; 16.19.
9Yang lika Jekob Gâd ba dahra aisi ban kamna
baku sin witin ra lawana aiwani mayuni kamni;
10kan witin mita sika watawikira nani ba
witin baman sa baku luki nani ba sut sauhki tikbia,
bara upla pain nani karnika ba, kau karnika yabia.
Currently Selected:
Lawana Nani 75: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
