Lawana Nani 74
74
LAWANA 74 (73)
Dawan uplika nani ba pât wina dakbi sakaia pura sunra
Asaf lawana.
1Dawan, ¿man dîa kan wan lulki wan swiram ban kaia ra?
¿Dîa kan lawankam tara wan purara blikram,
sîpkam dakni nani tilara?
2Man uplikam ra kupiam krauki bas,
tâ pali wina bâk saki briram ba,
baha nani atki saki briram, man uplikam kaia;
Saion ilka ra kupiam krauks man bahara iwi katma ba
3Bal, kaiks man nani nahki tnata âpu sauhki tikan na;
¡waihla nani ba bal tempel na sut sauhkan!
4Waihlam nani pura luan lâwanka aiwani banhwisa,
man wal prawaia watla ra;
tringsar nani plakinka sin paman sa.
5Dimaia durka ba pura kat,
pauta babaikra kan baku
unta biara ra ai asika buki bri ba.
6Asa bara amar wal pruki
dus ni sakahkanka nani paskan kata ba,
sauhki âpu dauki banhwata.
7Man wal prawaia watla kata angkan luan;
tempelkam kata ba sin bahki kulkan,
bara tasba kat bataki yakaban.
8Witin nani âpu sauhki wan tikaia lukan;
kuntri nani sut ba angkan
anira asla taki mamyuni kata ba pliska nani sut sin.
9Yang nani sainki holikira kata ba, kli kaikras;
prapit nani kata ba,
nanara kumi sin âpu sa,
yang nani sin kaiki banhras sna,
ahkia kat kau bâra kabia sapa.
10Man Gâd,
¿ahkia kat wan waihla nani
ban saura wan muni kabia ki?
¿Bara ahkia kat,
witin nani ba mampara saura aisi ba swibia ki?
11¿Dîa kan man mihtam karnakira yukukisma ki?
¿Dîa kan mihtam nani ba kruski brisma ki?
12Blasi piua nani ba wina,
man lika yang kingki sma.
Man, Gâdki naha tasba ra
pura luanka uya daukram tasba aiska ra:
13man karnikam ni,
kabu tar baiki sakram,#Imp St 14.21.
daiwan saura tara nani
kabu ra ba lal baiki tikram.
14Man bui daiwan saura tara, Leviatán, kabu ra
ba lal ra taibi lapaskram#Job 3.8; 41.1; Law 89.10; 104.26; Ais 27.1.
baku ba ra upla iwras tasbaya ra
daiwan wail nani ra yaram piaia.
15Man bui lî kârma yaram laiwan,
bara awala lâwaia apia kata ba yaram lâwan.
16Kakna bara tihmia ba man dukiam sa,
bara lapta ba wih kati wal,
man bui sika daukram,#Bla St 1.3-18.
17man bui sika tasba aiska bilara,
piarkika nani ba mangkram
man bui mani nani wankisma bara lî auhaia sin.
18Dawan, man waihli nani saura ai muni ba,
âmya tikpara;
bara baha uplika man ra lukras ba,
man mampara saura man aisisa.
19¡Man bui yang nani ra âmya ai tikpara!
Yang nani ba swapni sna, butku lupia ba baku;
bamna daiwan wail nani mihta ra wan mangkpara.
20¡Wal aisi lâ daukan, lâka ba, âmya ra bri bas,
kan naha kuntrika na sika, lâ krikaia lâka
ni banhwan sa, tasba paski takaskan ba kat!
21Taiban lâka ra iwi uplika ra yabrika mâyara kulkbiara;
¡man bui yabrika bawikira nani bara upla umpira nani ba mamyuni banhbia!
22¡Gâd, man mahka bûi, tâmwan aisas!
¡Âmya ra bri bas, upla taniskira nani ba,
nahki saura mai wi ba!
23Waihlam nani winanka ba âmya tikpara,
kan witin nani inanka ba kau tara pâwisa bamna.
Currently Selected:
Lawana Nani 74: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
