Lawana Nani 37
37
LAWANA 37 (36)
Dawan ra kasak luks
Debit lawana.
1Kupiam sauhkpara watawikira nani diara dauki
ba kaiki, man sin saura dadaukra nani ra tumpara.
2Witin nani inma baku pat pali lâwi tiwbia;
¡twi kura srawi baku srawbia!
3Dawan kat luki tniwi,
yamni ba sin dauki bas;
tasba ra iwi ai lâka ba wal sin kasak bas.
4Kupiam swapnikira,
Dawan ra latwan kaiks
bara mununhtara diara brin mai dauki
lukisma ba, witin maikbia.#S L 23.17-18; 24.19-20.
5Man rayakam ba
Dawan mihta nani ra mangks;
witin kat luki tniwi bas,
bara witin hilp maikbia.#S L 16.3.
6Bara man kasakkam lâka,
man wapnikam lâka daukisma ba,
lapta wan lal kat ingnika ingwi ba baku,
yarka ingwi kabia.
7Dawan mapara sâp bas,
witin bîla sin ban kaiki bas;
kupiam sauhkpara
watawikira nani diara dauki ba yamni baman
taki ba dukiara luki.
8Kupiam baiwaia lâka ba swis, kasak kupiam
baikaia lâka ba sin mahka lulks,
kupiam lapta takbiara;
baha wina saura daukaia lâka man taki aula.
9Saura dadaukra nani ba klaki dakban kabia;
sakuna Dawan bîla kaiki uplika nani ba,
witin nani sika tasba na brih iwbia.#S L 2.21-22.
10Kau piua wiria man,
bara watawi ba âpu kabia,
man ai watla ra pliki kama,
sakuna man bui witin ba kli sâkma apia.
11Sakuna praut âpu nani ba lika
tasba na ai dukia brih iwi kabia,#Kli S 11.8-9; Law 25.12-13; Mt 5.5.
diara ailal briaia bara ai âuyapah pali kabia.
12Upla watawikira ba ai kupia ra diara lukisa
upla yamni ra saura munaia,
bara ai nakra ba misbara lâka wal tawi kaikisa.
13Sakuna Dawan lika witin ai lawaska kikisa,
witin ai yua aula ba kaikisa bamna.
14Upla watawi nani ai sordka ba taya wina sakisa,
ai pantamangka awa ba aubi daukisa,
umpira bara yuyakira nani ba batakaia,
¡baha nani ai yabalka ra wapni tauki yaba ikaia!
15Sakuna witin nani ai sordka ba ni
kli ai kupia kat sabia,
witin nani ai pantamangkika ba sin,
yuya sirpi ra krikan kabia.
16Kasakkira diara wiria bri ba, kanra yamni sa,
upla watawikira yuya ailal bri ba wal.#S L 15.16.
17Dawan mita saurakira nani ba baha kat takaskbia,
sakuna Dawan bui upla yamni ba alki buki kabia.
18Dawan lika, lukanka yamni bri nani ba aihwaki kaikisa;
ai yuyaka bri ba ban kaia ra ban bâra kabia.
19Witin nani piua saura nani tilara;
plun wahwan piua ra witin nani
swira daukan kabia apia,
plun ailal piaia bri kabia.
20Sakuna upla watawikira nani
inma lâwan baku ambia,
Dawan waihla nani ba kiasma baku lap tiwbia.
21Upla watawi ba, diara makabi brisa;
kli yabaia wisi,
sakuna kli yabras;
upla kasakkira ba lukanka
swapni sa, kunin aisaras diara yuisa.
22Dawan mita yamni muni uplika nani ba,
tasbaya na brih iwbia,
sakuna baha nani witin mita saura win nani
ba sauhki tikan kabia.
23Upla wapanka nani ba
Dawan mita tâ brisa;#S L 20.24.
witin aitani kaiki ba
yabalka bîla ra mangkisa.
24Witin sin kauhbia kaka,
kauhan ban bâra kabia apia
Dawan bui witin ai mihta ra alkisa bamna.
25Yang wahma kapri, nanara sin almuk takri,
sakuna yang kau kaikras
upla kasakkira nani ba;
Dawan mita lulki swin ba ra,
ai luhpia nani ba upla ra diara makabi tauki kan.
26Piua bani witin bui upla wala ra diara yabisa pana mana,
ai kupia swapni sa,
ai luhpia nani ba, yamnika nani sa.
27Saura ba lama wina laihura takasks, bara yamni
ba dauki bas, bara man ban kaia ra,
anira iwi kaia pliska kum bri kama.
28Dawan kasakka lâka ba latwan kaikisa,
ai uplika kasak nani ba sin lulki swiras;
sakuna watawikira nani ba sauhki tikisa,
bara ai masraka nani sin sut âpu daukisa.#Job 18.19.
29Kasakkira nani ba lika tasbaya ba bri iwbia,
ban kaia ra sin baha tasbaya ra iwi kabia.
30Upla yamni ba sins lâka ra luki sturi aisisa;
upla yamni ba kasakka lâka daukaia luki sturi aisisa.
31Dawan smalkanka bîla ba,
witin ai lukanka ra brih taukisa;
¡baha mita witin nani ai mina ba lalalras!
32Upla watawikira ba, upla yamni ba biki kaikisa
ikaia lukanka brih.
33Sakuna upla yamni ba,
Dawan mita ban swika
upla watawikira nani mihta ra kauhbia apia.
Lâka aisi daukan kabia, bara sin swika pâtkira kulkan kabia apia.
34Man Dawan kat luki bîla wali bas, witin mita
purara mai bukbia, bara tasbaya ba
man dukiam pihni bri iwaia maikbia.
¡Namkra nani ni kaikma watawikira nani sauhki tikanka ba!
35Yang bui upla watawikira ba
kaikri praut lâka ni banhwan pali kan,
dus tara kum pâwan bara
tnawa wahia nani palwan ba baku kata;
36sakuna yang kli bal lui
kaikaia plikri ba ra,
pat taki wan bâra âpu kan.
37Upla ai tânka aihwa bara tânka yamni man bri ba, man laki kaiks;
baha uplika sika kupia kumi lâka bribia.
38Sakuna mapara babura nani ba lika,
aiska pali sauhki tikan kabia,
saura nani yua tnata ba lika,
sauhki tikan lâka man kabia.
39Sakuna, kasakkira nani swaki sakaia ba,
Dawan hilpka wina aula sa;
trabil yua ra Dawan ba witin nani
ai yukuwaika watla takisa.#Law 9.9.
40Dawan bui witin nani ra tâ baikisa
plapi swakwaia.
Watawikira nani wina witin baha nani pri saki, swaki sakisa,
kan baha nani witin wina
ai kan kahbaia plikan bamna.
Currently Selected:
Lawana Nani 37: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
