Lawana Nani 36
36
LAWANA 36 (35)
Upla watawika lâka bara Dawan yamnika ba
Aiwani nani tâ bri ba wina. Debit lawana.
1Watawi lâka ba mita watawikira kupia
lukanka pali kat dimi aisisa,
witin ai lukanka ra,
Dawan ra sibrin lukaia tânka âpu pali sa.#Ro 3.18.
2Witin lukisa ai mayunra tara briaia ba aitani sa.
Ai watawika lâka ba misbara kaikaia ba sip kaikras sa.
3Witin saura baman aisisa,
kunin baman aisisa ba mita lâ kasak aisaia
ba âuya tiwan, yamni kaia ba sin mahka swisa.
4Ai krikrika ra aitniki,
saura daukaia dukiara luki kaikisa;
saurka lâka yabalka ra karna pali alkan ba
mita, watawika lâka ba lulki swin daukras sa.
5Sakuna, Dawan, man lamtwanka lâka ba,
kasbrika pura ba kat uli auya.
Man kasak lukankam ba kasbrika purara sangnika ba kat alkisa.#Law 57.10.
6Dawan, man kasakkam ba
il tarka tara nani bâra ba baku tara sa;
lâmka nani daukisma ba kabu
tara tihuka ba baku sa.
Dawan, upla nani, daiwan nani sut bâra ba,
man mita main kaikisma.
7¡Dawan, man lamtwanka lâka ba
aihka painkira sa!
¡Tnamwa distika munhtara
upla nani ai yukuwaika plikisa!
8Man wamtla ra plun ailal pura lui ba pih,
witin nani ai âuyapah pali sa;
man sin witin nani ra, awala kum wina
kau lilia wan saki ba laya ba dauki dakakisma.
9Raya kaia kârma ba man ra bâra sa,
man ingnikam baman
yang nani ingni kaikaia sip sa.
10Piua bani lamtwanka lâka
bara kasakkam lâka ba mariki bas
baha nani mai kaiki ba,
kupia lukra wapni uplika nani ba.
11Baha nani prautkira ba mita ai mina taibiara,
watawikira nani ba mita sin ai singbiara.
12¡Warha lâka dadaukra uplika nani,
nahki kauhi ba kaiks!
¡Witin nani kauhisa bara kli sin bubia apia!
Currently Selected:
Lawana Nani 36: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
