Lawana Nani 33
33
LAWANA 33 (32)
Aiwani mayuni Dawan ra tingki wiaia
1Dawan ra liliam bas,
man nani kasakkira nani sma ba;
upla wapni nani ba,
Dawan ra mayuni ba pranakira sa,
2Dawan ra mayuns arp kangbi kira,
witin ra aiwans,
arp awa matawalsip ba kangbi kira.
3Witin ra lawana raya aiwans,
arp awa binka sâtka ailal pruki,
¡bîlam baikra tara wal witin ra mayuns!
4Dawan bîla ba kasakkira sa;
ai warkka nani dauki ba mita,
ai kasakka tânka ba wan marikisa.
5Witin kasakka lâka bara wapni lâka ba,
witin latwan kaikisa;
¡ai latwanka lâka ba ni tasba na banhkisa!
6Dawan ai bîla aisin ba mita,
kasbrika purara diara bâra ba paskan
bara sin ai bîla wingka puhbra ba mita paskan.#Bla St 1.3-31; Jn 1.3.
7Witin kabu tihuka laya nani ba,
asla dauki auhbi
brisa ai pliska kat.
8Yarka tasba aiska ba Dawan ra tara kulkbia;
¡tasba aiska ra upla nani iwi ba,
witin ra mayunbia!
9Kan witin aisin bara diara sut daukan kan;
witin adar yan bara diara bal takan.
10Dawan ra lukras uplika
diara daukaia luki
ai lâka nani dauki ba,
witin mita baha lâka nani ba sut pali batakisa,
11sakuna Dawan diara daukaia lâka nani daukan
ba, kauhras ban bâra sa.
12Lilia pali sa
baha uplika Dawan mita
witin nani ai Dawanka aimaki ba,#Law 144.15.
witin mita ai uplika nani kaia bâk sakan ba.
13Dawan kasbrika purara ba wina kaikisa,
bara witin lika upla nani sut ra sin kaikisa.
14Witin anira iwi ba wina,
tasba ra iwi uplika nani ba sut kaikisa.
15Witin bui baha kupia nani ba paskan;
bara witin lika upla kupia lukra nani ba sut aihwaki kaikisa.
16King kumi sin âpu sa,
upla aiklaklabra nani ailal ba
karnika mita swaki sakaia,
kupia karnakira ba sin ai karnika bri mita
ai wîna swaki sakras sa.
17Aras nani karnika ba
upla swaki sakaia karnika apia sa;
wala kumi ra sip swaki karnika tara brisa,
sakuna sip upla swaki sakras.
18Kaiks, Dawan nakra nani ba baha nani witin ra
sibrin luki ba kat aihwaki kaikisa.
Witin ra kulki bara kasak luki latwan kaiki nani ba kat kaikisa,
19witin nani ba prura wina swaki sakaia,
plun dauki ba ra
rayaka yabia mata.
20Yawan lika Dawan ra kasak lukisa,
¡witin hilp wankisa, wan kan kahbisa sin!
21Kan wan kupia Dawan ra lilia sa;
yawan wan âuyapah ai nina holikira ra kasak lukisa bamna.
22¡Dawan latwanka lâka ba wan lamara wabia,
yang nani baku man wina bîla kaikisna bamna!
Currently Selected:
Lawana Nani 33: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
