Lawana Nani 32
32
LAWANA 32 (31)
Dahra sakanka bara pâtka swih tikaia pura sunra
Debit smalkan bîla nani.
1Upla kum lâ krikanka daukan pâtka
ban swih tikan ba lilia pali sa,
saurka sut kulkras ban pâtkas swin ba.
2Lilia pali sa ai lukanka saura briras uplika ba,
witin watawika lâka daukan mana ba,
Dawan sin witin ra kulkras.#Ro 4.7-8.
3Yang saurki dahra ba sakras kapri ba ra,
wîni tara aiska
karnika sin âpu takisa,
yu aiska maimna lulki kapri ba mita.
4Kakna ra bara tihmia ra sin,
man mihtam purira wirha ai taibi kan bamna,
mani lapta mita, tangni srawi ba baku,
yang swapni ai saki kan.
5Saurki daukri dahra,
yang bui man ra param mai wîri;
watawi daukri ba, man ra yukukras
kupi wal lâ daukri ba,
lâ krikanka daukri
daihra ba sut man ra sakri,
bara Dawan, man,
pâtki nani ba sut ban swih tikram.#2 Sa 12.13; Law 51.1-4.
6Baha mita sari tara aula ba piua ra, kasakkira nani
ba man ra ai pura sunbia,
lisamra tara nani balbia sin,
witin nani ra alkbia apia.
7Man sika yang yukuwaiki watla:
pât ai alki ba wina man kaini kahbisma,
pri sakan lawana nani ni kaini kir aiwanisa.
8Dawan ba naku aisisa:
“Man kat yang mai kaikisni.
Yang mai smalki mai wimna,
yabal ba mamrikamna man anik waia sma ba.
9Man nani aras baku, apia kaka muyul baku kapara,
kan daiwan nani diara tânka sip briras sa;
kakma ra kiwa wilki,
apia kaka un ba wilki aubaia,
baku wilki aubras sma kaka,
sip yabal ra aimakbia apia.”
10Watawikira nani pât ailal wahwi kabia;
sakuna Dawan kat luki tniwi uplika nani ba,
Dawan ai latwanka lâka ba ni uplika ba
kir kutbi bribia.
11Dawan ra liliam bri âmyapah bas,
man nani upla yamni, Dawan ra kulki bas;
¡man nani puram wini liliam dauks!
Currently Selected:
Lawana Nani 32: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
