Lawana Nani 31
31
LAWANA 31 (30)
Dawan kat baman kasak lukaia pura sunra
Aiwani nani tâ bri ba wina. Debit lawana.
1Dawan, yang lika man ra yukuwaiki watla briaia plikisni;
¡bamna ai swipara, swiri daukpara!
¡Swaki ai sakan kaia lâka ra ai laks,
kan man ba kasakkira sma bamna!
2¡Dawan, puri sunra na wals;
isti bal pât wina swaki ai sâks!
Kaikisni man ba yang yukuwaiki walpaya,
¡ai yukuks, kaini kahbi swaki ai sâks!
3¡Man ba yang wailpaya sma, waitla karnika!
¡Taipahki bara kaini kahbi ai brih was,
ninam yamni kulkaia ba tâwan!
4¡Yang mini priski alkaia tân kahban ba
wina ai sâks;
man sika yang kaini kahbaika sma bamna!
5Man mihtam kat yang spiritki mangkisni;
¡Dawan, Gâd kasakkam tânka kat swaki ai sâks!#Lk 23.46; Ap St 7.59.
6Misbara kaikisni aidul bahki ra mayuni ba.
Yang lika lukanki Dawan kat luki tniwisni.
7Lamtwanka lâka ba âuyapah bara lilia ai sakisa.
Man sairka nani ba kaikram,
pâtki nani ba sin man sut kaikram;
8bara waihli nani mihta ra ai mangkras kapram;
¡man bui yang mini nani ba,
tasba karna ra bûi kaia ai daukram!
9Dawan, umpira ai kaiks,
yang trabil saura ra sna bamna;
sari ai dauki ba mita naikra sut pukwisa,
wîni aiska, ¡rayaki sin swapni takisa!
10¡Wîni tara latwanka bara inanki nani ba mita,
rayaki manka ba sut âpu daukisa!
Sairka ba mita karniki ba âpu daukisa;
¡wîni tara ba sin swapni takisa!
11Waihli nani yang ra ai kaiki laiwaska
kikisa,
âu, laimara iwi nani tilara sin laiwaska kiki banhwisa,
ai kakaira nani sin yang siaibrisa.
¡Yabal ra ai kaikan uplika nani,
yang wina plapan!#Job 19.13; Law 38.11; 69.8; 88.18.
12Upla sut ai âuya lap ai tikan,
âu yang ba pat pruri baku sa,
sumi baiki yuya man swin ba baku sna.
13Sip sni walaia upla nani pusbi aisi ba:
“Sibrin wan dingkisa tnaya bani ra.”#Jir 20.3,10; 46.5; 49.29; Ina 2.22.
Witin nani ai mânka lâ aisi daukisa maipara;
¡diara daukaia aisi kaikisa yang na ai ikaia!
14Sakuna yang lika Gâd, man kat luki tniwisni;
yang wîri: “¡Man sika yang Gâdki!”
15Rayaki ba man mihtam nani ra sa;
¡waihli nani rau ai sauhkaia nini bliki ba wina dakbi ai sâks!
16Kupiam pihni ba ni,
yang nampakan sna na,
tawi ai kaiks,
bara latwan ai kaiki swaki ai sâks.
17Dawan, yang lika man ra winisna;
¡swira lâka ra ai rungkpara!
Upla watawikira nani lika
swira lâka ra rungwi tiwbia;
¡prura tasbaya lamnika ra yas rungbia!
18Kunin aisasara nani ba bahara sâp takbia
lawaska kikaia lâka, bahki kulkaia lâka aisi
upla yamni nani mina pruki ba sin.
19¡Nahki tara sa, kupiam yamnika lâka ba
baha nani man ra luki tniwi nani ba!
Main kaiki apahki brisma diara manakira baku,
upla nani sut mawanra man bui witin nani ba,
pramna kulkanka baku diara yui yabisma.
20Man bâra sma ba kan kahbanka wal, watawikira nani mita
saura munaia luki ai lâka nani dauki ba wina pri sakisma;
waihla nani mita waihla kulki swira paski ba,
wina, wamtla bahna munhtara yukuki brisma.
21Dawan ba yamni pali kabia;
ai latwanka lâka ba mita
diara tara yang maita daukisa,
yang pât ra pali sna piua ra.
22Yang sâp apia,
bin dauki tauki kapri ba mita,
lukri mamwan wina ai lulki ai swiram sa;
sakuna man ra hilp makabri ba ra,
winanki nani ba man walram.
23Upla kasakkira nani sut, Dawan ra latwan kaiks.
Dawan ba, kasakkira nani ba kan kaiki aihwakisa,
sakuna prautkira nani ba ra pana munisa.
24Dawan ra lukisma uplika nani sut karna bûi bas,
lukankam ba sin karna bapi yas bûi kabia.
Currently Selected:
Lawana Nani 31: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
