Lawana Nani 17
17
LAWANA 17 (16)
Tataibra nani mapa ra, kan kahbaia pura sunra
Debit pura sunra.
1Dawan, kasakka tânka pliki,
puri sunisna na kiamam ra aman wals,
aisinki na, kuninkira nani aisi ba baku apia sa.
2Lâika aisi daukaia ba man lukankam wina bal takbia;
kan man sika kaikisma, lâ kasak nani ba.
3Man bui yang lukanki nani ra dimram,
tihmia ra bal aihwaki ai kaikatma;
tâinka aihwa sapa plikatma,#Job 7.18; Law 26.2; 139.23.
bara diara saura nani yang ra sakras katma;
sturi aisaia apia nani ba, yang aisaras.
4Upla wala nani dauki ba baku;
saura daukaia yabalka nani ba wina tnaya ra tawri,
man lâmka bîla adarka nani ba kat.
5Mini wapanka nani, man yabalkam nani kat wapni wapri;
baha nani wina, wiria sin tnaya ra tawras.
6Dawanki, bîli baikra man ra bukisni,
man pana ai aisisma bamna;
kiamam yang ra tniks, bîli aisinka nani wals.
7Latwan ai kaikisma ba, tânka param mairiks
man sika mihtam aihkika ni,
ai yukuwaika man ra pliki nani ba,
ai waihla nani wina swaki sakisma ba.
8Namkra yula baku main ai kaiki ai bris;
tnamwa nani distika ra ai yukuks,#Kli S 32.10-11; Law 61.4; 91.4.
9upla watawi nani,
ai sauhki banhwi ba mawan wina,
¡waihli nani ai ikaia,
yang kaini kir ai kutbi ba!
10Witin nani batanwan ba mita
tanis lâka praut aisisa.
11Yang mini wapanka nani nina blikisa;
ai nakra nani kang ai kaikbia wal
tasba kat ai batakaia dukiara.
12Witin nani layan baku sa, layan prautkira nani
ai yukuwaika ra dimi aihwakisa
pâli prak alkaia baman.
13Dawan, bus, ¡witin nani mawanra man aimaks!
¡Muns witin nani ai lula krikbia!
Sordkam ni upla watawi nani mihta wina swaki ai sâks;
14man karnikam ni, Dawan,
witin nani mihta wina swaki ai sâks,
¡baha nani ba naha tasba wina saki lulks,
man dukiam kukanka naha rayaka ra bâra ba!
Swis witin nani ba yuyakira takbia,
luhpia nani ba baiwaia praiska kat plun pibia,
bara diara kau swibia ai mula nani lahma.
15Sakuna yang, kasak pali kupi kumi takaskamni,
man mamwan kat mai kaikaia#Par M 22.4.
mamwanra, rawi buamna bara ai kaikaia.
Currently Selected:
Lawana Nani 17: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
