Lawana Nani 16
16
LAWANA 16 (15)
Prapati kau pain wala âpu
Debit Gâd mayuni aisisa.
1¡Gâd, man aihwaki ai kaiki bas;
man ra sika yukuwaiki plikisna bamna!
2Yang bui man ra mai wîri:
“Man ba yang Dawanki sma, yang yamniki;
diara kum sin âpu sa man wal prakaia ba.”
3Aidul nani kuntri ra bâra ba, karnika tara brisa,
baha nani ra mayuni ai âuyapah taki nani ba baku wisa.
4Lilka nani bri ba,
witin nani kau ailal daukbia,
mayunra kau tara dauki kabia.
¡Tala laiwi sakripaiska nani dauki ba tilara kamna apia!
Yang bîli ni
baha nani nina mâkamna apia.
5Dawan, man, yang mai brisni diara sut tani ra;
man yamnikam nani ni ai banhkisma,
yang rayaki ba man mihtam ra sa.
6Tasba lainka nani aikram ba,
kau tasba yamni nani ra sa;
¡prapatiki yang brisna ba,
kau pranakira sa!
7Yang bui Dawan ra yamni wimni,
witin ai smalki ai tapahkisa bamna;
bara yang kupi lukanka ba,
tihmia ra ai smalki wapni ai daukisa.
8Dawan ba yang laima kat brisni;
witin ba yang mihti aihkika ra sa,
bamna diara kumi sin yang purira yaka kauhbia apia.
9Bahamna yang wîni kat, kupi lukra ba lilia sa,
yang kupi ba lilia banhki pali sa;
yang wîni aiska ba âiyapah luki iwi kabia.
10Man bui yang ba pruan tasbaya ra ai swima apia;
man uplikam kasak aihwa ba,
tasba untika kum ra lulki swima apia.#Ap St 13.35.
11Raya kaia yabalka man mairikma.
Man lamamra lilia tara bâra sa;#Ap St 2.25-28.
man mihtam aihkika ra lilia pain nani ban kaia ra bâra sa.
Currently Selected:
Lawana Nani 16: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
