Lawana Nani 108
108
LAWANA 108 (107)
Yang kupi ba ridi sa
Debit pura sunra, lawana.
(Law 57.7-11; 60.5-12)
1Yang kupi ba ridi sa, Gâdka,
yang kupi ba ridi sa, lawana aiwani maikaia.
Sulki, yapisma ba wina rawi bus;
2rawi bus, arp binka bara arp tara binka dauki;
¡rawi buamni yua raya ra!
3Dawan, yang lawana nani ba wal man ra mamyunamna,
upla nani tilara, bara nisan nani tilara sin.
4Kan man lamtwanka lâka ba
kau tara sa kasbrika purara ba wal.
Man lâmka ba kasbrika sangni ba kat alkisa.#Law 36.5.
5Dawanki, man kasbrika pura nani ba kat lui waram sa;
¡man pramna ba tasba aiska ba banhkisa!#Law 8.1.
6Swaki wan sâks karnikam ba ni,
latwan kaikisma nani ba atki sakan kabia.
¡Pana aisas yang nani ra!
7Gâd aisin, Dawan wal aisaia watla holikira ba wina:
“Lilia ni Siquem baiki sakamna
bara Sucot ilka bîla ba yuamna.
8Galaad bara Manasés ba yang duki;
Efraín lika laila pura kaikisa;
Juda ba lika yang wapaiki dusa;
9Moab ba mihti sikbaia pliska daukri;
Edom purara sûski ba lulkamni;
¡filisteo tasbaya pura luanka aiwanamni!”
10¿Ya ai brih wabia baha tawanka kutbanka ra?
¿Ya tâi brih, Edom kat ai brih wabia ki?
11Gâd, man bui yang nani ra lulki ai swiram sa,
kan man wan aiklaklabra nani wal taki waras sma.
12Hilp wan muns, wan waihla nani ba mapara;
kan upla hilpka ba, wan tâ baikanka âpu sa bamna.
13Yang nani Gâd hilpka ba wal lika,
sip kabia diara tara nani daukaia;
¡witin bui sin wan waihla nani ba âpu sauhki tikbia!
Currently Selected:
Lawana Nani 108: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
