Lawana Nani 109
109
LAWANA 109 (108)
Wihta tara ba ai lâka daukbia makabanka
Aiwani tâ bri ba wina. Debit lawana.
1Man Gâd,
man bîlam praki sâp kapara puri sunisna ba ra,
2kan baha kuninkira nani bara watawikira nani
ba yang nini aisisa,
baha nini ra aisi ba sin kunin sa.
3Misbara ai kaiki aisinka ba kir ai brisa;
¡pâtkas sin maipara buisa!
4Laitwanka lâka ba watlika ra, maipara ni buisa;
sakuna yang lika puri sunisna.
5Saura ba ni yamni ba mana
ai aibapan,
bara kupi latwanka ba mana sin pana misbara ni ai kaikisa.
6Ai wihtka baku upla watawikira kum mangki yas,
bara ai lâka dadaukra ba bui ai lâka dauki pât ra lakbia;
7ai lâka daukan ra pâtkira kulkbia,
lâ daukan ra witin tâwan aisi ba mita pât ra lulkbia.
8¡Piu kunhku man raya kabia,
bara upla wala nani ai dukia dawanka takbia!#Ap St 1.20.
9¡Ai luhpia nani ba rau takbia,
ai maya mairin sin piarka kabia!
10¡Âu, ai luhpia nani ba, upla ra diara makabi watauki kabia!
¡Ai watla aisawi luan ba wina sin,
kangbi sakan kabia!
11Upla ra lalah yabi mana saki ba bui
dîa bri kata sut brih wabia,
upla tringsar nani bui dîa saki brin ba mihta dakbi bribia.
12Upla kumi sin witin ra umpira kaikras kabia,
ai luhpia waitna rau takan nani ba ra sin apia.
13Witin ai kiamka nani ba sin âpu daukbia,
ai nina taitilka ba sin diki sakan kabia.
14Ai aisika nani watawanka ba,
Dawan ai kupia kraukbia,
bara ai yaptika saurka ba sin,
diki tikan kabia apia;
15piua sut Dawan bui witin nani ra luki kabia,
bara witin tasba na wina diki sakan kabia,
kli ai kupia kraukbia apia.
16Witinka piua kumi sin kupia pihni lâka daukaia sip lukras kan,
kuna upla umpira nani, bawikira nani sari bri nani ra
rausauhki nina blikan ikan ba kat.
17Witin lika ai bîla sawaia lihki kan,
bara bîla saura ba witin ra wibia;
upla ra yamni wiaia lika pain kaikras,
¡bara yamni munras kan!
18Lahtubaia lâka ba ni ai prâka baku dingkbia;
lâka ba lî baku, batana laya baku,
ai biara ra bara ai dusa ra dimbia;
19¡prâk kum baku pura bikbia
bara maisa wila kum baku pami bri kabia!
20Baku Dawan waihli nani ra mana aibapbia,
baha nani, yang maipara saura aisi nani ba ra.
21Bara man, Dawan,
yamni ai muns, man ninam ba ra yamni kamni.
¡Swaki ai sâks, man kupiam tihuka lamtwanka lâka tara ba ni!
22Yang umpira pali bara sari brisna,
yang kupi ba sin insauhkan sa;
23yang dista kumi lui auya ba baku lui auna,
¡pâsa ba bui ai brih auya tristrisia kum baku!#Job 8.9; 14.2; Law 39.5-6; 102.11.
24Luli nani ba tatatwisa plun piras sna ba mita;
bara mahka biawisna plun piras sna ba ra,
25¡yang na upla nani kikaika sna!
¡Ai kaiki ba ra,
ai lal wauhi laiwaska kiki banhwisa!#Mt 27.39; Mk 15.29.
26Hilp ai muns, Dawan bara yang Gâdki;
ai swaki ai sâks man lamtwanka lâka ba ni;
27bara witin nani kaikbia, man ba Dawan sma,
naha na man mihtam ni daukram sa.
28Kupi lukras witin nani saura ai wibia kra,
man yamni ai munisma kaka.
Witin nani ai swira takbia,
man nampakan na lilia takisa ba ra.
29¡Yang waihli nani ba sut,
swira tara ni aibanhbia!
¡Witin nani ai swira ni, pura prakaika kum baku pura prakan kabia!
30Bîli nani wal Dawan ra tingki wimni tnata âpu,
¡upla ailal tilara witin ra mayunamni!
31Kan witin mita upla umpira ba tâwan aisi
swaki sakisa, bara wala nani mapara aisi ba pât ra dingkisa.
Currently Selected:
Lawana Nani 109: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
