Lawana Nani 107
107
LAWANA 107 (106)
LAWANA WAUHKATAYA MATSIP
(Lawana 107—150)
Dawan latwanka lâka ba ban sa
1Man nani bui Dawan ra tingki wis,
kan witin ba yamni sa bamna;
ai latwanka lâka ba ban kaia ra ban sa.#1 Kr 16.34; 2 Kr 5.13; 7.3; Esd 3.11; Law 100.5; 106.1; 118.1; 136.1-26; Jir 33.11.
2Dawan bui witin nani ra swaki sakan ba wis,
ai waihla karnika wina swaki sakan.
3Witin nani ba asla daukan
yahbra, waupasa, lalma, bara muna tani kuntrika nani ba wina.
4Tiwi watauki banhwi katma
upla iwras auhya tasbaya ra,
yabal kumi sin sakras kapram ani tawanka ra iwaia.
5Plun mai dauki kan bara diran bla sin
pruaia pat baila kapram.
6Sakuna trabilkam tilara Dawan ra winram
bara witin bui pâtkam wina atki mai sakan.
7Baha ningkara yabal yamni ra mai mangkan
tawan kum bahara iwaia.
8Man nani bui Dawan ra tingki wis
ai latwanka lâka ba dukiara,
¡witin lika upla nani hilpka dauki bamna!
9Kan witin diran dauki nani diranka daskisa,
bara plun dauki nani ra biara banhki yabisa.
10Tihmia tara ra iwi kata
silak ra sin mangkan, sarka nani ba brin.
11Dawan adarka nani mapara buan tâka,
Laih Purara iwi ba warkka nani ra
bahki kulkan bamna.
12Bara Dawan bui wark karna yaban takan,
mina nani pirwi kan, kuna upla kumi
witin nani ra hilp munras kan.
13Sakuna ai trabilka tila ba wina Dawan ra winan,
bara baha pâtka ba wina swaki sakan;
14tihu tara ba wina witin nani ra sakan
bara sin priskan kan ba wina pri sakan.
15Man nani bui Dawan ra tingki wis
ai latwanka lâka ba dukiara,
¡witin lika upla nani mata dîa dauki ba dukiara!
16¡Witin sika bras durka nani yuya man daukan ba!
¡Witin sika ayan dusa bâk, kriki yuya man daukan ba!
17Witin nani ai watawanka bara ai saurka nani tâwan
siknis takan bara sari man banhwi kan,
18¡plun sin sip piras kan, witin nani ba,
prura ba pat ai lamara kan bamna!
19Sakuna ai trabilka nani ba wina Dawan ra winan,
bara witin nani ai pâtka ba wina swaki sakan;
20witin ai bîla ba blikan,
bara witin nani ra rakan;
raiti bîla ba wina lanhkan.
21Man nani bui Dawan ra tingki wis ai
latwanka lâka ba dukiara,
¡witin upla nani mata dîa dauki ba dukiara!
22Tingki lâka sakripaiska nani dauks,
bara liliakira diara daukan ba aisi bas.
23Kabu ra slaup nani bilara iwi banhwi ba,
lî tara nani tilara bisnis daukan.
24Bahara, kabu biara ra witin nani
Dawan paskanka aihka nani ba kaikan.
25Dawan aisin ba wali, pâsa tara pali buan,
baha rip tara tilwi kata kabu tara aiska bilara;
26kasbrika purara ba kat lulkan wan,
bara kabu tihuka pali ba kat rungwan;
witin mawanra ai kupia karnika pâtka ba tikan.
27Witin nani bla tatakra baku pirwi watauki kan,
¡witin nani mapara hilp kumi sin âpu!
¡Ai lukanka nani sut tikan!
28Bara witin ai trabilka nani tilara Dawan ra winan,
trabilka ba wina swaki sakan;
29pâsa saura karna krawi ba witin mita lamni daukan,
bara rip nani lamni takan.
30Pâsa ba kaikan sâp takan ba ra, lilia taki banhwan,
Gâd bui brih wan anira slaup takaskaia kata ba kat.
31Man nani bui Dawan ra tingki wis
ai latwanka tara ba dukiara,
¡witin upla nani mata dîa daukan ba dukiara!
32¡Upla nani sut wins, asla aidrubisma ba ra!
¡Mayuni banhwi bas almuk nani aidrubanka ra!
33Dawan bui awala nani ba,
lî kârma daukan plapisa,
upla iwras tasbaya kata yan lâwisa;
34tasba pain kata ba, sâl tasbaya daukisa,
bahara iwi ba uplika nani saurka tâwan;
35upla iwras tasbaya ba, lakun nani daukisa
tasba lâwan ba wina lî kârma nani sakisa;#Kli S 29.23; Ais 43.19; 40.3.
36bara plun wahwi nani ra yabisa bahara iwaia,
bara witin nani ai tawanka nani paskisa.
37Witin nani bahara wain nasla nani daukisa,
bara mâ manis sakisa.
38Dawan sin witin nani ra yamni munisa,
bara witin nani manis sahwisa
bara ai daiwra nani ailal pâwisa.
39Bara witin nani pruisa, maura baman takuya sip pâwras
priskan lâka ba mita;
trabil bara sarka lâka ba mita sin,
40Gâd ba upla tataibra nani ra saura kaikisa,
baha nani ra munan upla iwras tasbaya,
yabal âpu ra wih aimawahki tiwisa.#Job 12.24.
41Witin umpira sari bri nani ra hilp munisa;
ai watla uplika nani ra,
¡sîp daknika baku yan pâwisa!
42Naha kaiki bara upla pain nani lilia takisa,
bara saura nani ai bîla prakisa.
43Ani uplika sins bri ba,
naha wal ai dara wali kaia sa
bara Dawan latwanka lâka ba tânka briaia.
Currently Selected:
Lawana Nani 107: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
