Lawana Nani 106
106
LAWANA 106 (105)
Israel Dawan mapara piua bani bûi kan ba
1¡Dawan nina ba mayunan kabia!
Man nani bui Dawan ra tingki wis,
kan witin ba yamni sa bamna,
ai latwanka lâka ba ban kaia ra ban sa.#1 Kr 16.34; 2 Kr 5.13; 7.3; Esd 3.11; Law 100.5; 107.1; 118.1; 136.1-26; Jir 33.11.
2¿Yamna Dawan warkka pura luan ba,
dahra wiaia sip kabia?#Isi 20.2-44.
¿Ya sip sa witin ra mayunaia sip ba kat yabia?
3Lilia pali sa baha nani kasakka lâka dauki ba,
bara piua sut diara kasak baman dauki ba.
4Dawan, yang ra kau ban luki bas,
man uplikam nani ra yamni munisma bara;
yamni ai muns swaki sakaia balma ba ra.
5Bâk saki briram uplika nani liliaka ba yang kaikamni,
baha nani liliaka ra yang sin lilia takamna,
baha uplika nani man uplikam ba wal.
6Yang nani aisiki nani wal baku saura daukri,
yang nani warha lâka daukri, yang nani saura daukri.
7Wan aisika nani Idsip ra
man bui diara aihkakira nani daukram ba,
tânka briras kan;
man kupiam latwanka lâka tara nani daukram ba
ai âuya tikan,
Kabu Pauni kat bal, man mampara buan.#Imp St 14.10-12.
8Sakuna Gâd ban witin nani ba swaki sakan,
bara ai karnika ba yan kaikaia,
witin ai nina ba kulkaia mata.#Kli S 7.7-8; Isi 20.9; 36.22-23.
9Bara witin Kabu Pauni ba lâwi daukan,
bara laya ba klang lâwan,
bara witin nani baha tihuka tara bâk wapi luan,
sim upla iwras tasbaya kan baku.
10Baku witin nani swaki sakan,
ai waihla nani mihta wina,
misbara kaiki kan nani karnika wina sin.
11Bara lî nani ba ai waihla nani pura bikan;
baha nani wina kumi sin swak takras kan.
12Witin nani kasak lukan Dawan pramiska nani ra#Imp St 14.21-31.
bara witin ra mayunra lawana aiwani yaban.#Imp St 15.1-21.
13Sakuna pat pali Gâd lika dîa daukan ba ai âuya tikan,
bara ai warkka daukaia kata ba bîla kaikras kan.
14Bara upla iwras tasbaya ra
Dawan ra traika kaikan,
bara win ai brinka nani ba kat dauki yabia.
15Bara Gâd bui dîa makaban ba dauki yaban
sakuna pruaia sikniska kum witin nani ra blikan.#Kul K 11.4-34.
16Kiamp ra witin nani bui Moses ra misbara kaikan
bara Eran ra sin, Dawan yamni munan waitnika ba.
17Tasba ba kwawi Datán ra langkan,
bara Abiram ra sin, ai daknika nani aikuki.
18¡Bara pauta klauhan
witin nani sut mapara blikan!
¡Saura dadaukra nani ba sut angki tikan!#Kul K 1 6.1-35.
19Witin nani, Horeb ilka ra bîp luhpia lilka daukan,
gul slilki aidul kum paski, baha ra ai pura sunan.
20¡Gâd pranakira ba lakan,
bîp kum twi pi ba lilka ra!#Jir 2.11; Ro 1.23.
21Witin nani, Gâd sasakra ra ai âuya tikan,
Idsip ra diara tara nani daukata ba;
22wark aihkakira nani, Cam tasbaya ra daukata ba,
diara sibrinkira nani Kabu Pauni ra daukata ba sin.
23Gâd aisin sauhki tikaia;
sakuna Moses, witin bâk saki brin uplika ba tilak dimi
witin nani tâwan aisin;
bara Gâd ai kupia sauhkanka ba lamni daukan,
baku bamna yaban sauhki tikras kan.#Imp St 32.1-14.
24Witin nani tasbaya painkira ba bahki kulkan;
bara kasak lukras kan Gâd pramiska nani ra;
25ai tintka watla nani bilara,
Dawan ra rangbi aisi kan,
Dawan bîla adarka nani sin wali daukras kan.
26Bamna witin ai mihta buki bara swer takan,
upla iwras tasbaya ra yaka prui tiwbia.#Kul K 14.1-35.
27Ai kiamka nani sin sut yaka prubia,
bara idan nisanka nani tilara,
yakabrira tauki kaia.#Lib 26.33.
28Witin nani Baal-peor albika takan,
bara ailal nani sakripaiska daukan,
pata ba sin pin.
29Ai daukanka saura nani ba mita Gâd mapara buan,
witin nani tilara siknis saura blikan.
30Bara Finees lâ dauki, witin pâtkira sakan,
bara baku sikniska saura ba takaskan.
31Bara Finees baha daukanka kasak ba daukan,
bara Gâd bui yamni kaikan,
ban kaia ra, aisa nani wina, luhpia nani kat.#Kul K 25.1-13.
32Baha nani sin Gâd ra kupia sauhkanka daukan,
Meribá laya lamara;
bara witin nani tâka mita
Moses mapara saura takan;
33baku bamna spiritka ba tahpla takan,
bara witin aisin ba luki kaikras aisin.#Kul K 20.2-13.
34Witin nani baha uplika nani ra sauhki tikras kan,
Dawan bui adar yaban kan ba sauhki tikaia.
35Panaura ni,
idan nani wal abalkan
baha nani iwanka kata ba sin lan takan;
36idan aidulka nani ra mayunan,
baha nani tâka sika sauhki tikan ba;#Wih 2.1-3; 3.5-6.
37bara ai luhpia waitna nani,
ai luhpia mairin nani lasa nani ra
sakripais dauki yaban.#2 Ki 17.17; Bar 4.7.
38Tala pâtkas sin laikan,
ai luhpia waitna nani, luhpia mairin nani tâlia ba sin;
witin nani Kenan gâdka nani ra sakripais dauki yan,
bara tasbaya ba tala ni tâski daukan.#Kul K 35.33.
39Bara witin nani tâski daukan, baku sin ur taki banhwan
ai daukanka saura nani ba wal.
40Bara Dawan lika ai uplika nani mapara lawan
bara witin nani ra kakaira apia sa win,
witin ai uplika nani kan ba.
41Bara witin nani bui upla idan nani mihta ra mangkan,
bara ai waihla nani ba mita taibi brin;
42witin nani ra waihla nani ba bui ai mina ra taibi brin,
bara baha nani karnika mununhtara bawan.
43Aima ailal Gâd bui witin nani ra swaki sakan,
sakuna witin nani lika,
warkka daukaia lukan ba mapara buan;
bara witin nani ai watawanka nani tilara rungwi tiwan.
44Ban sakuna, baha nani trabil ra kan kaikan ba ra,
witin baha nani inanka ba walan,
45witin ai kupia kraukan baha nani wal lâ daukata ba;
bara ai lukanka kata ba lakan,
kan ai latwanka lâka ba tara pali sa bamna;
46¡pura lalura nani ra sin yan
ai kupia yamnika lâka wal banhkan!#Wih 2.14-18.
47¡Dawan, swaki wan sâks, Dawan wan Gâdka!
¡Wahbi wan sâks nisan nani tila ba wina,
man ninam holi ba mayunaia dukiara,
bara liliakira ninam ba mayunamni!
48¡Dawan ba yamni pali kabia, witinka Israel Gâdka ba,
ban kaia ra!
¡Upla sut wibia: “Baku kabia”!#1 Kr 16.35-36.
¡Dawan ba mayunan kabia!
Currently Selected:
Lawana Nani 106: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
