Job 42
42
Job
1Job Dawan ra pana aisi, win:
2Yang kaikisna man lika diara sut ba daukaia sip sma,
diara âpu sa man daukaia sip apia sma ba.
3¿Yang na yamna, man sinskam lâka ba bahki kulkaia,
baku yang sinskaski lâka ba mamrikaia sna?#Job 38.2.
Yang aisi katna ba lika,
diara nani tânka briras sna ba dukiara sika,
diara nani aihkakira pali sa,
sip sin tânka briaia apia sna ba.
4Man ai wiram:
“Man ra aisaisna na aman wals,
naha makabanka nani na ansika aik.”#Job 38.3; 40.7.
5Naha piua kat
mai kakaira sna walisna ba wina baman,
sakuna nanara naikra pali ni mai kaikisna.
6Baha mita dîa sna ba wina kupi lakisna,
tasba yuya bara yamhpus ra iwisna ba wina.
Gâd mita Job ra kli yuyaka nani yabisa
7Dawan mita Job ra naha diara nani win ba ningkara, Elifaz ra win: “Yang uya pali lawisna man ra bara pâmnika wâl ba ra sin, kan man nani lika yang dukira diara kasak ba aisaras kapram, yang duki dadaukra Job daukan ba baku. 8Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks.#Job 1.5. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”
9Elifaz, Bildad bara Sofar, witin nani wan bara Dawan dîa win ba kat daukan, bara Job pura sunra ba Dawan walan.
10Job ai pânika nani dukiara ai pura sunan ba ningkara, Gâd mita ai dukia nani kan ba kli yan kainara kata ba baku,#Job 1.1-3. kainara bri kan ba wal kau aima wâl prais. 11Bamna ai muihni nani, ai lakrika nani bara ai pânika nani sut mita kaikaia wan, patitara kakaira nani kan ba sin, sut asla witin nani pata tara kumi daukan ai watla ra, bara witin nani sut Job dukiara uya pali sari taki banhwan bara uya maisa nihkan Dawan mita baku pali klala yan ba dukiara, kumi bani mita lalah yan bara gul mihtadingka sin yan.
12Gâd bui Job ra ai yamnika ailal yaban kan kau siknis takras kan ba kainara, sakuna nanara kau ai yamnika tara yan: Sîp nani 14,000 brin, kiamil 6,000, tasba baikaia bîp ba 1,000 bara biriku mairin 1,000. 13Baku sin luhpa waitna nani 14 bara luhpa mairin yumhpa brin. 14Luhpia mairin almuk ba nina Jemimá,#42.14 Hibru ra ulban sa Jemimá; baha tânka ba burhka. wâlka ba nina Quesiá,#42.14 Hibru ra ulban sa Quesiá; baha tânka ba sinimint. yumhpika ba nina Queren-hapuc.#42.14 Hibru ra ulban sa Queren-hapuc; baha tânka ba pauta watla ba baku, pauta auhbaia watla nani. 15Job luhpia mairin nani pain kan ba baku wala âpu kan tasba ra, ai aisika Job mita yuya nani yan ai lakrika nani wal baku.
16Naha ningkara Job raya kan 140 mani, piua yari brin ai luhpia nani, ai mula nani, ai snawa nani bara ai kiamka walhwal ba kaikaia. 17Bara Job ba pruan yua nani ailal brin ba ningkara.
Currently Selected:
Job 42: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
