Lawana Nani TÂ BÎLA NANI
TÂ BÎLA NANI
Naha wauhkataya ba sika, lawana bara pura sunra nani sa. Ju nani bara Kristian nani mapara, piua sât sât nani tilara, mani ailal luan ra naha ba mayunra wauhkataya kau yamni kan. Bara kau pali ba aisi kaikaia wauhkataya nani tilara, Gâd ra luki, mayuni, prana dauki, aisi bîla nani ulban sa.
Naiwa piua kat, naha ulbanka na 150 lawana nani brisa, baikanka matsip ra: 1—41; 42—72; 73—89; 90—106 bara 107—150.
Naha wauhkataya kumi bani ba, prakaia pura sunra lawana wal prakan, apia kaka mayunra kum wal. Kakaira pali sa upla aiska bara tasba aiska ra. Debit pura sunra lawana nani ba kasak pali, âiulbra ailal bui paski ulban sa.
Tâ krikan ba wina prakaia kat ba, mani nani ailal luan sa, ulbanka bakriki ba, Debit ulban wisa, wala nani ba Salaman ulban wisa bara ban âiulbra wala nani sin nina kat mâkisa.
Piua nani lui wan ba ra, pura sunra lawana nani ba pliki wahbi sakan, bara Dawan ra mayunaia yus munan. Baha pliki wahbi sakan ba sika, naiwa yua kau ailal paski yawan ra brih balan ba, Ju nani bui tara pali kulkan naha wauhkataya ra. Jisas bara âiulbra nani Testament Raya ulban nani ba sin, lawana wauhkataya ba tânka aisi yan. Bara baku sin, Gâd ra mayunaia prana takan sa; yakan taki aisi kaikaia bâra sa, upla aiska mawanra dakni tara taki mayunaia bâra sa, tâ krikan ba piua wina.
Lawana nani ba, sâtka ailal bâra sa: mayunaia lawana nani, Gâd ra tara kulkaia, ini hilp makabaia pura sunra lawana nani, kan kahbaia bara swaki takan makabi ba, ai saurka param saki aisi ba, ai kupia lakaia makabi ba, padin takaia makabi ba, diara yamni bara holi nani brin ba dukiara, tingki bîla nani makabi ba lawana nani. Baha piua ra lukanka, daukanka natka kat sin, klala nani makabi kan waihla nani dukiara.
Naha pura sunra nani wina, kum kum ba silp ai dukiara aisisa, upla lukra nani dukiara sin aisisa; wala nani ba marikisa, dîa want pali ba, bara Gâd uplika lukanka sin marikisa.
Currently Selected:
Lawana Nani TÂ BÎLA NANI: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua