Job 41
41
1 #Naha borska nani 41.1-34 na bors. wala 40.25—41.26 ra kli baku ulban sa, baku Hibru nani ulbanka baku sa. Bara Leviatán ra,#Sapta 3.8 ra kaiks.,#Job 3.8; Law 74.14; 104.26; Ais 27.1.
¿kiulh kum ni miski alkma ki?
¿Kiwa kum ni sip sa ki twisa ba wilkaia?
2¿Ai kakma ba kiwa tara ni wilkaia sip kama ki,
kmakmaya ra dus alhnira kum dingki lukaia sip kama ki?
3¿Dîa mamkabaisa ki, umpira kaikma wisi,
bara bîla swapni ni mamkabaia sa ki?
4¿Dîa yabrika pramis takbia albikam kaia,
ai rayaka aiska ra?
5¿Ai lâka daukaisma ki, piawira lupia kumi baku?
¿Luhpiam pulaika apia baku priski daukma?
6¿Sip kabia ki markit ra plun nani mâ ba bâra kaia?
¿Klaki pîs sirpi daukbia atkaia dukiara?
7¿Trisba ni daiwra taya ra sabi lukaia sip kama ki,
apia kaka ai lal ra dâka ni?
8Man wih ai purara mihtam mangkma kaka,
bara aiklabanka kum maikbia kli âmya tiwaia apia,
bara kli sin baku daukma apia sa.
9Leviatán ra namkra ni kaikma ba baman,
ya kabia sin, sibrin mita tâ iwan pali takisa.
10Ya kra kum mita tuski munbia kaka,
ai kupia sauhkisa,
upla kumi sin sip ai mawanra bubia apia.
11¿Yamna ai mawanra bubia,
bara diara munras swak takbia?
¡Upla kumi sin âpu sa tasba aiska ra!
12Ai mina nani ba dukiara aisaras ban swimna,
bara karnika bri ba tnata âpu kira.
13¿Ya sip sa ki ai wîna taika
witin ra praki ba sakaia,
apia kaka kaina kahbaika aima wâl prais bri ba mâ walak lukaia?
14¿Ya ai bîla ba kwâkbia ki,
ai napa nani kutbanka sibrinkira ba?
15Ai nina dusa nani lama kat ba lika
kaina kahbaika nani sa,
asla prakan sa
bara karna pali sa walpa karnika baku.
16Asla dihbi prakan sa,
pâsa sin bâk luras sa.
17Kumi wala ba wal asla prawan sa,
upla kumi mita sin sip aihka dakbi sâkbia apia.
18Ai trisiamka munuya ba lika
imyula baku sa,
ai nakra nani ba ingwisa
titan wan yu uluya ba baku sa.
19Ai kakma wina pauta klauhan takisa
bara pauta biulwanka nani sin bal takisa.
20Ai kakma nani wina kiasma takisa,
dikwa kumi pauta ra piawi ba baku.
21Ai wingka puhbra ba
masku nani yan klauhisa,
ai bîla wina pauta klauhan nani takisa.
22Ai nana dusa ba karna pali sa,
witin ai mawanra upla sut sibrin takisa.
23Baha purkara ai wîna ani pîska karnika âpu kan ba sut karna daukan,
baha ba karna sip diara dimras,
ayan slilkan bapan karnika ba baku.
24Ai kupia ba walpa tara ba baku brisa,
akbaia walpaya karnika ba baku sa.
25Witin buisa ba ra, gâd bahki nani ba sut si brisa
bara sibrin tara wal plapi banhwisa.
26Sord, langsa, trisba,
aiklabaia dukia sâtka wala nani sin sut ni,
aiklabaia bubia kra bahki kabia.
27Witin ai mapara ayan ba twi lâwan baku sa,
bara bras ba lika dus sukwan ba baku sa.
28Trisba nani ba mita munan plapras sa,
walpa nani ni lulki sabi ba lika,
twi lâwan ni sabi praiska sa.
29Amar tara ni prukaia ba lika,
yauhrus ni pruki baku sa,
langsa lulkanka wasbi piua ra
witin lika kikisa.
30Raswi ba piua ra,
slaubla ra yabal baikisa,
rais milka nani mala ba wal daukisa ba baku.
31Kabu tihuka ba yan dikwa kum piawi baku sa,
dikwa kum batana abalkaia ba baku sa.
32Liura mark pihni
lipi swisa, upla tâwa yari pihwan ba baku sa.
33Naha tasba ra baha dukia sâtka âpu sa,
baha ba daukan sa sibrin kaia apia ba mata.
34Kau aimayuni nani ba mapara buisa,
baha sika daiwan saura nani sut kingka ba.
Currently Selected:
Job 41: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
