Aiseya 63
63
Dawan mita ai waihla nani ra pana munisa
1—¿Naha ya Bosrá wina aula ba,
Edom kiapitalka ba wina,
ai prâka ba laya pauni ni pauni daukan ba,#Ais 34.5-17; Jir 49.7-22; Isi 25.12-14; 35.1-15; Em 1.11-12; Oba 1-14; Mal 1.2-5.
ai prana tara wal ai prâka dimi aula
ai karnika tara wal wapi ba?
—Yang sika, aiklabi pura luaia ba dukiara aisisna ba,
bara karnika brisna swaki sakaia.
2—¿Dîa muni prâmka ba ban pauni pali ba,
kwalkam ba, wain taibaia watla ra,
wain mâ minam ni taibi kapram prâka baku pauni pali takan ba?
3—Âu, yang yakan wain taibaia watla ra wain taibri,#Ina 1.15; Jl 3.13; Par M 14.20; 19.15.
upla kumi sin hilp ai munras;
bara witin nani ba
yang lawanki tara ni mini ra taibri;
ba mita sika ai tâlia ba
yang kwailka nani ra srikwi alkan,
bara kwailka nani sut tâski takan.#Par M 19.13.
4Yang luki kaikri yua kum bâra kabia kasak lâka ba daukaia;
yang upliki ba atki sakaia piua ba sin aimakan sa.
5Kaiks upla kumi sin âpu kan hilp ai munaia;
bara yang aihka luki tâ iwi kaikri,
ya pan sin tâi baikaia âpu kan ba.
Bara yang klaihkla ba mita pura luaia ba aikan,
bara yang kupi baiwanka ba mita tâi baikan.#Ais 59.16.
6Bara yang kupi baiwanka ni upla nani ba mini ra taibri,
witin nani ba yang lawanki ni sauhki tikri,
bara ai tâlia ba tasba ra laikri,
yabal ra sin yâri laiwi kan.
Gâd yamnika Israel hilpka ra
7Yang aisan ai daukisa Dawan latwanka lâka ba,
ai mayunra nani ba aiwanaia
witin ai yamnika tara nani sut wan hilpka daukan ba,
witin ai kupia yamnika tara pali Israel luhpia nani sut ra bri ba,
ai kupia yamni luki witin nani ra daukan ba,
witin mita latwan kaiki ba lâka kat.
8Witin win:
“Witin nani ba yang upliki sa,
baha luhpia nani ba waihli mihta ra mangkaia apia kaia sa.”
Bara witin swaki sakan,
9ai sarka nani sut tila wina.
Witin mita bâk saki blikan,
uplika mita swaki sakras;
Dawan ba ai karnika ni swaki sakan.#Kli S 32.11-12.
Witin mita pri sakan, ai latwanka lâka
bara umpira kaikan lâka ba
ai klahkla ra brih buki banhwan
piu bani baku baman daukisa.
10Sakuna witin nani Dawan mapara babura nani takan,
Dawan holikira lâka ba witin nani mita kupia baikaia daukan;
baha mita witin baha nani ba waihla takan
bara witin nani ra aiklaban.#Kli S 32.15-25.
11Witin nani ai kupia kraukan patitara yua nani kata ba,
Moses piua ra kata ba bara ai uplika nani swaki sakan ba sin,
bara witin nani makabi wali kan:
“¿Moses sîp daknika sepadka ba,
Nilo awala wina swaki sakan Gâdka ba anira sa?
¿Witin Moses ra ai spiritka holikira yaban ba anira sa?
12¿Witin ai karnika pranakira ba Moses wal waia daukan ba,
witin Kabu Pauni laya ba aihka baiki sakata ba ai uplika nani mawanra,#Imp St 14.21.
baku dauki witin ai nina mayunra prana ban kaia ra ba alkan kaia,
13witin daukan uplika nani ba mina lalalni mangkras
kabu tihuka bâk lui wan ba,
aras nani upla iwras tasbaya bâk lui auya ba baku,
14daiwan nani il bîla ra iwi auya ba baku?”
Dawan spiritka ba witin nani tâ bri kan.#Law 77.20. Naha borska nani 64.1-12 na bors. wala 63.19-64 ra kli baku ulban sa, baku Hibru nani ulbanka baku sa.
Witin ai uplika nani ba baku tâ brin
bara upla ailal aisaia daukan.
Umpira kaikan hilpka briaia pura sunra ba
15Dawan, kaiks, kasbrika pura wina,
man iwaikam holikira pranakira ra iwisma ba wina.
¿Anira sa man bui yawan ra latwan pali wan lukisma ba tânka,
bara karnikam ba sin?
¿Anira sa man kupiam lukanka mununhta wina
kupiam pinhka lâka nani ba yang nani dukira brisma ba?
¿Man umpira kaikan lâka brisma ba
danh takan ki yang nani wal?
16¡Man sika yang nani aisiki!
Ban kra, Ebraham yawan wan kaikras wibia kaka,
Israel sin yawan ra wan lukras kabia kaka,
man, Dawan,
man sika wan aisika;
patitara wina man sika,
yang nani sasakriki.
17¿Dîa muni, Dawan,
man yabalkam nani wina yang nani maiwahki kaia ai daukram,
kupi nani karna daukram
yang nani na mai kulkaia apia?
Man albikam nani ra latwan sma ba
luki lukanki na kli laks,
baha kiamka nani uplikam nani ba ra luki.
18¡Man uplikam holikira nani ba,
piua prahni baman ai kuntrika dawanka takan!
Yawan wan waihla nani ba tempelkam ba ai mina ra taiban.
19Yang nani na, man mita wan tâ briras baku banhwisna,
ninam ba, yang nani aima kumi sin briras kan baku banhwisna.
Currently Selected:
Aiseya 63: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
