Aiseya 62
62
1Saion ra latwan kaikisna bamna,
bîli prakamna apia;
Jerusalem, latwan mai kaikisna bamna,
ris brimna apia
pura luram ingnika bal takbia ba kat,
swaki mai sakan lâka ba
lamp ami ingnika baku ambia ba kat.
2Nisan nani ba kaikbia
man swak takan lâka sma ba,
king nani ba sin sut
man pramna ba kaikbia.
Bara man ninam raya kum,#Ais 1.26; 62.12; Jir 33.16; Isi 48.35.
Dawan wina mâki maikbia.
3Bara man ba mayunra kraunka kum kama,
Dawan mihta ra
bara king tasbaya kraunka kama
man Gâdkam mihta bilara.
4Witin nani kli wibia apia man ba mai “Lulki Mai Swin Sa”,
tasbayam ra sin kli wibia apia: “Sauhkan Sa”,
Sakuna man ninam ba “Yang laikki”,
bara tasbayam ba nina “Yang Mayi Mairin”.#Ais 60.15; Os 2.23.
Kan man ra sika Dawan laikka ba,
bara witin ba man tasbayam ra maya waitna kum baku kabia.
5Wahma kum tiara kum wal ai maya taki ba baku,
Dawan sin baku man ai maya mai bribia,
bara kli mai paski bara man wal lilia kabia,
maya waitna ai maya mairin wal lilia ba baku.
6Jerusalem, kutbankam nani purara,
aihwawakra nani yang swiri#Ais 52.8; Isi 33.
kakna ra tihmia ra sin witin nani aisi ban kabia:
“Man nani bui Dawan ra puram sunisma ba takaskpara,
7man nani ris yapara,
Jerusalem ba kli mâkbia ba kat
bara yarka tasba aiska ba mita mayunbia.”
8Dawan ba swer takan
ai klahkla aihkika karnika ba buki:
“Kli swirka man plawarkam ba wina waihlam nani pibia apia,
tringsar nani ba sin man wark takram wainka ba wina dibia apia;
9sakuna man nani mâ kriki baha wina pima
bara man bui yang ra ai mayunma;
bara wain mâ ba wahma bara wain ba dima,
waitla kutbanka holikira bilara bal dima.”
10Taki was, taki was tawan latara get nani bâk,
upliki nani yabalka ba pahbi sâks.
Tasba unta nani yabal tara ra bâra ba, lasbi praks;
walpa nani ba sin sâks,
bara upla nani ra sain kum mariks.
11Dawan mita naha sturka na maisa pakisa
tasba aiska ra upla sut walaia:
“Man nani Saion tawanka ra wis:
Kaiks man sasakrikam ba pat aula.
Dawan lika ai uplika nani ba wal aula,
ai warkka daukan ba mana witin ai mawanra yabia.”#Ais 40.10.
12Israel luhpia nani ra nina
“Upla holikira nani” mâkbia,
“Dawan mita pri sakan nani ba”,
bara Jerusalem ra mai wibia,
“Brin dauki tawanka ba”,
“Lulki swiras tawanka ba”.
Currently Selected:
Aiseya 62: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
