Aiseya 12
12
Tingki wiaia lawana
1Baha yua ra man wima:
“Dawan, man ra tingki mai wisni,
maipara man kupiam baikram sakuna,
kupiam baiwanka ba tnaya ra lakram,
bara man maisi nihkram.
2Kaiks, Gâd sika swaki ai saki ba;
yang baha ba kasak lukisna,
bara si briras sna,
kan yang karniki sa, yukuwaiki sa sin,
witin sika yang swaki sasakriki ba.#Imp St 15.2; Law 118.14.
3Swaki wan sakaia laya kârma nani ba wina,
man nani liliakira bal lî saki kama.
4Bara man nani baha yua ra aisama:
Dawan ra aiwans,
ai nina ra puram suns,
upla nani tilara ai warkka daukan dahra ba
tara dauks,
âmya ra bri bas witin ai nina ba
diara sut tilara purara pali bukan sa.
5Man nani bui Dawan ra aiwans,
kan witin diara tara pranakira dukia nani daukan bamna;
tasba aiska ba mita,
baha tânka bribia.#Law 105.1-2.
6Liliam bri wini aiwans,
Saion ra iwisma ba;
Israel Gâdka Holikira,
man nani tilamra bâra ba tara pali sa bamna.”
Currently Selected:
Aiseya 12: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
