Aiseya 11
11
Jesé kiamka ba, laman bara kasakka lâka kingka brih aula
1Jesé plamaika ba wina,
tnawa kum bal takbia,#1 Sa 16.1-20.
wakia nani ba wina sin tnawa urhwi takbia.#Par M 5.5; 22.16.
2Dawan Spiritka ba
witin ai purara ban takaski kabia,
bara sins lâka,
âuyama kaia yabia,
diara tânka luki sakaia,
lâ tânka smalki mariki kaia,
karnika sin yaia,
diara tânka kaikaia bara Dawan sibrinka sin.
3Bara witin lika upla aisinka wali ba wina baman lâka daukbia apia,
upla nani aisi ba ra wali
upla purara lâ kahbia apia.
4Kasakka lâka ni swapni nani ba
lâka daukbia, kuntri ra umpira nani bâra ba kan sunbia.
Bîla nani witin aisi ba dus kum baku
praut karna aisi nani ba ra
klala yabi kabia.
Ai bîla aisinka nani ba dus kum baku
baha ni saura prautkira nani ba klala yabia,
witin ai bîla aisi ba ni watawikira ba ikbia.#2 Tes 2.8.
5Kasakka lâka prâka dimi kabia,
wapni lâka sin.#Epe 6.14.
6Bara limi, sîp aikuki
asla pâwi kabia kupia kumi lâka ra,
limi bulni ba guts luhpia aikuki watla kumi ra kabia,
bîp luhpia bara layan wal sin,
bara daiwan tim nani ba sut sin asla wapi tauki kabia,
bara tuktan waitna sirpi kum mita,
sepadka aimaki kabia.
7Bîp mairin wingku mairin wal ai pâna kabia,
luhpia nani ba sin aikuki asla prawi kabia;
layan ba, bîp wainhka baku twi pibia.
8Tuktan sirpi ba,
piuta kau puisinkira ba untika purara puli kabia,
sip kabia ai mihta ba,
piuta untika ba ra dingkaia.
9Yang ilki holikira aiska ra
saura munbia apia,
sauhki sin tikbia apia;#Ais 65.25.
tasba ba Dawan tânka kaikaia lâka ni banhwan kabia,#Ab 2.14.
kabu pura aiska lî nani praki brin ba baku.
10Baha yua ra
naha wakia Jesé wina pâwi takbia ba sika,
sain kum baku kabia tawan nani mapara;#Ro 15.12.
kuntri ra nani ba pliki wan kabia
bara pliska ba pranakira kabia.
Tasba wala ra brih wan nani ba, lilia pali kli tawi balbia
11Baha piua ra,
Dawan ba aima wala kli
ai karnika marikbia,
ai uplika nani kau swin ba
kli bri balaia, Asiria, Idsip,
Patrus, Etiopía, Elam,
Sinar, Hamat bara kabu un ra iwi tawanka nani ba wina sut sin.
12Witin nisan nani mawanra sain kum sunbia,
Israel luhpia nani laihura yakaban nani ba asla daukbia,
bara tasba tâ walhwal ra,
Juda uplika nani yakaban ba asla daukbia.
13Tuman lâka ba, Efraín wina sauhki tikan kabia,
Juda wailhka nani ba slingbi tikan kabia;
Efraín mita Juda ra tumbia apia,
Juda sin Efraín ra sarka paskbia apia.
14Witin nani wâlsut ba
muna tani bâk filisteo nani ra wabia,
nina tani tawi ba ra;
mapara aiklabia,
asla lalma tani tawanka nani dukia kukan ba dakbia.
Ai karnika ba Edom, Moab
bara Amón uplika nani ra taibi bribia.
15Dawan mita Kabu Pauni bâk yabal kum kwâkbia
Éufrates awalka ra ai mihta sakbia
bara yaka pâsa saura kum krawbia,
bara yabal 7 kilwan kabia,
bara sip kabia ai sûska daikras lui waia.#Par M 16.12.
16Dawan uplika kau Siria ra ba,
kli tawi balbia ba ra,
yabal tara ba wal prawbia,
sim Israel Idsip wina takan yua ra.#Imp St 14.21-22.
Currently Selected:
Aiseya 11: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
