2 Tesalonaika 3
3
Yang nani maita puram suni bas
1Tnata ra, muihki nani, yang nani maita puram suni bas, Dawan sturka yamni ba aihni pali plis plis ra wabia, bara baha ba yamni kulki bribia, man nani tilamra takan ba baku. 2Upla saurakira nani bara watawikira nani wina dakbi wan sakan kabia dukiara sin puram suni bas. Kan upla sut lika sturi yamni ra kasak lukras sa bamna. 3Sakuna Dawan lika kasak sa, bara witin mita man nani ba karna mai daukbia bara saura ba wina main mai kaiki kabia. 4Bara yang nani lika Dawan kat lukisni, man nani, yang nani mai wîri dukia nani ba daukisma, bara ba kat sin ban dauki kama. 5Dawan mita tâm baikbia latwan kaikaia, Gâd latwan kaiki baku, bara Kraist bapi buanka lâka bri kaia pât wahwanka ra.
Wark takaia tânka ba
6Muihki nani, wan Dawan Jisas Kraist nina ra adar maiki banhwisna, ani uplika nani wark takan daukras ba wina tnaya ra tawma, witinka nani ra yang nani mita smalkanka yabri ba kat sip iwras ba. 7Kan pain pali kaikisma yang nani daukri ba baku, man nani sin daukaia sip sma. Man nani aikuki kapri ba ra, yang nani na sringwaskira apia katna. 8Yang nani upla kumi pata sin aibapras piras kapri. Kuna, kakna bara tihmia wark taki banhri, trabil sin takatna, man nani tilam kat karban wirha kumi sin maikaia apia dukiara.#Ap St 18.3; 1 Tes 2.9. 9Yang nani kasak lâ bri kapri, man nani wina hilp makabaia, sakuna ban wark takri; yang nani baku daukri, man nani sim sât dauki kama dukiara. 10Man nani aikuki katna ba ra, yang nani mita naku mai wisatna: Ya ya wark takaia want apia ba, plun sin pibia apia. 11Yang nani mita naha na mai wisna, kan sturi walri man nani tilam wina upla bâra sa wark takras baman sa, bara diara dauki banhras, upla wala nani bisniska tilara dimaia baman. 12Wan Dawan Jisas Kraist karnika mita, baha uplika nani ra smalki wisna bara adar sin yabisna, witin nani sâpkira wark taki kabia, ai pata saki pi kaia dukiara.
13Muihki nani, diara pain daukisma ba ra swappara.#Gal 6.9. 14Ya ya naha wauhkataya ra ulbi wisna na bîla wali daukras kaka, uplika ba aman pali kaiki bas, bara witin wal bisnis âpu bas; baku witin ai swira bri kabia. 15Bara witinka ba, waihlam baku kulkpara, sakuna muihkam baku lâ yabi bas.
Prakaia lakula nani
16Bara kupia kumi lâka Dawanka ba mita, piu bani kupia kumi lâka natka sât sât ra maikbia. Dawan ba man nani sut aikuki kabia.
17Yang Pal mihti ni naha lakula na mai ulbisna. Wauhkitaya sut ra yang nini naku sain munisna; naku ulbisna. 18Wan Dawan Jisas Kraist, man nani sut puramra yamni mai munbia.
Currently Selected:
2 Tesalonaika 3: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua