1 Timoti TÂ BÎLA NANI
TÂ BÎLA NANI
Pal naha wauhkataya pas ulban, naha nina “Sepad nani” mâkan. Timoti ba kristian wahma kum kan, yaptika ba Ju kan bara aisika ba lika Grik; Pal, Timoti wal prawan Listra tawanka ra (Ap St 6.1-3), wark uplika pain kum takan bara wal uba ai latwankira kan. Naha wauhkataya bara wala ba sin Timoti ra ulban sa, bara kulkanka yabisa lâ tara wauhkataya kum baku, wahma smasmalkra ba wauhkataya ulbanka wâlsut ba sins lâka smalkanka ni banhwan sa, kau pali ba napakan nitka dukiara ulban sa, pamali dukiara, bara latwan lâka makabanka nani sin.
Pas ulban wauhkataya ba, tâ bîla tânka yumhpa marikisa: Sapta 1-3 ra, lukanka bri ba kunin smalkanka nani serts ra diman ba dukiara, naha tânka na Ju lukanka bara idan nani lukanka wal asla aiblakwan sa. Pas ba plun kum kum piaia apia tânka ba, wâlka ba tasba ra diara kaiki wan mihti ni alki dukia ba saura pali sa; naha lukanka na Grik bara lalma wina uplika nani kulkisa, bara swak takan lâka ba diara nani kum kum yukukan ra lan taki bâk baman alkaia sip sa. Naha lukanka sin idan lâka wina bal takan marit takaia apia lukanka ba. Baku bamna karna pali lawi daukisa, naha nani smalkanka kum kum ba mapara bara ai daukanka ra sin.
Tâ bîla wala ba, prias lainka ra aisisa bara witin ai daukanka nahki ba asla takanka baku, tâ briaia bara kangregesan ba kulkan kaia.
Lâs ba (sapta 4-6), witin ai wîna kat dukiara aisisa latwan lâka ra. Wahma ba ra smalkisa nahki ai warkka daukaia ba, “Jisas Kraist napakanka pain” kaia dukiara (4.6).
Currently Selected:
1 Timoti TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua