2 Tesalonaika 2
2
Dawan kli balbia ba dukiara, param sakanka nani
1Bara muihki nani, wan Dawan Jisas Kraist bal, witin wal asla wan daukbia tânka ba mapa ra#1 Tes 4.15-17. man nani ra mamkabisni, 2kupiam lukanka ba ban isi pali sins munpara, yarka sirang mai ikbiara, bîla aisin walma kra sin apia, wauhkataya yang nani mai blikri alkram kabia sin apia, baha sut mita Dawan yua ba pat balan mai wibia sin apia. 3Upla kumi mita sin yarka kunin mai munbiara. Kan baha yua kainara, Gâd mapara buaia lâka ba pas balaia sa, upla saurakira ba bal takbia, witinka tanis tiwaia pâtka ra lulkan ba. 4Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa.#Dn 11.36; Isi 28.2. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.
5¿Man nani kupiam kraukras ki, wal aikuki kan ba ra, naha sut mai wi kapri ba? 6Bara nanara man nani tânka brisma, dîa ba mita alki takaskisa, ai piua kau aimakras ba ra latan takbia apia dukiara. 7Baku bamna, saurka dahra yukukan ra ba, pat yabal ra sa; sakuna bîla kaikisa baha alki takaski bri ba tila wina sâkbia ba. 8Bâra mika, baha saurakira ba bal takbia ba ra, Dawan Jisas mita ai bîla wingka puhbanka ni ikbia,#Ais 11.4. bara witin aula ingnika ba wal sauhki tikbia. 9Baha saurakira balaia ba lika, Sitan hilpka wal balbia, bara karnika tara wal balbia, sain nani, diara aihkakira#Mt 24.24. kunin sâtka nani wal sin. 10Bara watawi lâka sât sât daukbia, sauhki tikan lâka ra auya nani ba, kunin munaia dukiara; kan baha nani kasakka lâka ba alki briaia bara latwan kaikaia want apia kan, ai swaki sakanka alkaia dukiara. 11Baha mita, Gâd bui swisa mistikka nani ba mita kunin munbia, bara kunin lâka ra kasak kulkbia. 12Naha tâka mita, ya ya kasak tânka ra uya lukras, sakuna saurka lâka ra kau lihki kan nani ba, pât ra lulkan kabia.
Bâk sakan nani sa, swak lâka briaia dukiara
13Muihki nani, Dawan mita latwan mai kaikan ba, yang nani lika piu bani man nani dukiamra Gâd ra tingki wiaia sna, kan patitara piua wina, Gâd mita bâk mai sakan sa, man nani pas sika swak takan lâka briaisma ba, Spirit Holikira karnika bâk Gâd uplika pali mai daukbia, bara kasak tânka ra kasak lukram ba mita sin. 14Swaki sakanka sturka yamni, yang nani mai smalkri bâk, Gâd naha dukiara mai paiwan sa: wan Dawan Jisas Kraist prana ra sirkam brima dukiara.
15Baku bamna, muihki nani, kasak bapi bûi bas, bara smalkanka nani, yang nani pali mita mai smalkri ba bara wauhtaya ra sin ulbi mai wîri ba, âmya tikpara.#2 Ko 11.2. 16Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa, 17kupiam nani tâ baikbia bara karna sin mai daukbia, diara yamni baman aisama bara daukma dukiara sin.
Currently Selected:
2 Tesalonaika 2: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua