Hoseya 7
7
1ndi kuchizga Yisraele,
uheni waku Efraimu uvumbukwa ndi so milimu yiheni ya Samaria;
pakuti ŵachita kwautesi, munkhungu wasere,
ndi wakuphanga waphanga kubwalo.
2Kweni ŵaghanaghana cha
kuti ndikumbuka nchitu zawo zose ziheni.
Sono milimu yawo yaŵazinga, ye pa maso pangu.
3Ŵakondweska karonga ndi mauheni ghawo,
ndi ŵakondweska mafumu ndi uchenjezi wawo.
4Mbareŵi wose;
ŵayana ndi ng'anjo yakufunda,
yeniyo wakubikapo wareka kupembako moto,
kwamba pakukanya chiŵande mpaka chitukumuke.
5Pa zuŵa la karonga widu,
mafumu ghangutama ndi kufunda kwa vinyo;
iyo wangutambaruwa janja lake pamoza ndi ŵakuwera.
6Mitima yawo yitocha nge ndi
ng'anjo ukari wawo ukole usiku wose,
ndi mlenji unyeka nge ndi moto wakulipuka.
7Ŵose mbakocha nge ndi ng'anjo,
ndi ŵameza mafumu ghawo.
Ŵakaronga ŵawo wose ŵawa;
ndipo palivi yumoza yo wasopa ine.
ŴaYisraele ndi mitundu yinyake
8Efraimu watijisazga ndi mitundu yinyake;
Efraimu nchiŵande chambura, mang'anamulika.
9Ŵalendo ŵamara nthazi zake,
ndipo iyo kuti waziŵa ichi cha;
nyivu zayoyoskeka paku iyo,
kweni kuti waziŵa ichi cha.
10Kujikuzga kwaku Yisraele kuti musimikizga;
ndipuuli kuti ŵawere kwa Ambuya Chiuta wawo cha,
chingana nkhumupenja.
11Efraimu wenge ndi nkhunda,
yakupusa ndi yambura zeru;
wadana ku Egipiti, watiya ku Asiriya.
12Ŵachiruta, ndi ŵathyenge ndi chirepa changu;
ndiŵasiskiyenge pasi, nge ndi viyuni vya mude;
ndiŵalangenge chifukwa cha nchitu zawo ziheni.
13Owe, kwaku iwo; chifukwa ŵapatuka ku kwaku ine!
Pharghaniko kwaku iwo chifukwa ŵagaruka kwaku ine!
Ndingukhumba kuŵawombo kweni ŵatindikambiya utesi.
14Kuti ŵaliya kwaku ine ndi mtima wawo wose cha;
kweni ŵatenje pa vita vyawo,
ŵawunganirana chifukwa cha trigu ndi vinyo;
ŵagaruka kwaku ine.
15Chingana ndingusambizga ndikukhomeska manja ghawo,
ndipuuli ŵandighanaghaniya chiheni.
16Ŵawere kwaku Bala;
ŵakozgana ndi uta wakupusika,
mafumu ghawo ghazamubayika ndi lipanga
chifukwa cha nkhaza za lilimi lawo.
Ichi ndicho chamukuŵa chilengesku chawo mu charu cha Egipiti.
Currently Selected:
Hoseya 7: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
