Hoseya 8
8
Ambuya asuska ŵaYisraele chifukwa chakusopa ŵangoza
1Ŵika mbata ku mlomo wako,
chifukwa khuŵi le pachanya pa nyumba ya Ambuya,
chifukwa ŵaswa phanganu langu,
ndi ŵajumpha dangu langu.
2Ŵakutiya kwaku ine,
kuti Chiuta widu, ifwe ŵaYisraele timuziŵani.
3Yisraele wataya chamampha;
murwani wamurondonge.
4Ŵamika ŵakaronga, kweni
ŵakuturiya kwaku ine cha;
ŵamika mafumu, kweni kwambura ine kuziŵa.
Ŵapanga ŵangoza ndi siliva ndi golide wawo, kujipasuwa.
5Ndazira mwana wa ng'ombe yako,
O Samaria.
Ukari wangu ukole kumikana nawo.
Kuŵenge viyo mpaka zuŵanji,
mpaka penipo mulivi kalema mu ŵaYisraele?
6Ichi chapangika ndi mupangi; kuti ndi Chiuta cha.
Mwana wa ng'ombe waku Samaria watekenyikenge.
7Chifukwa ŵangupanda mphepo,
ndipo ŵavunenge kavuruvuru.
Trigu walivi mphonji, kuti wakapasanga vipasi cha.
Asani wangupasa,
ŵalendo ŵatinge ŵarghenge.
8Yisraele wamezeka;
we mukati mu mitundu nge nchiyaŵi chaŵakaŵaka.
9Pakuti ŵakwere ku Asiriya nge ndi mbunda yamu dondo yakuyinga yija;
Efraimu walembera ŵakwanjiwa ŵake.
10Chingana ŵalembera ŵanthu ŵakulipika mukati mu mitundu,
ndiŵawunjikenge sosonukweni.
Ndipo ŵarekenge kwanyengo yimanavi kunthonezga mafuta
pa karonga ndi mafumu.
11Chifukwa Efraimu wandaniska
majochero ghakwanangiyapo,
kwaku iyo ghaŵa majochero ghakwanangiyapo.
12Chingana ndingumurembe marangu vikwi chumi (10,000)
ghatinge ghapimikenge nge nchinthu cha waka.
13Ŵatanja sembe;
ŵapereka sembe ya nyama ndi ŵatiyirgha;
kweni Ambuya kuti akondwa nawo cha.
Sono wakumbukenge ubendezi wawo ndikuŵaranga chifukwa cha kulakwa kwawo;
ŵawerenge so ku Egipiti.
14Chifukwa Yisraele waruwa mulengi wake,
ndi wazenga nyumba zikuru,
ndipo Yuda wandaniska misumba ya malinga;
kweni nditumenge moto pa misumba yake,
ndipo wamukocha malinga ghake.
Currently Selected:
Hoseya 8: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
