Hoseya 6
6
1“Zaninga, tiyeni tiwere kwa Ambuya;
chifukwa aparuwa, mwakuti atichizge;
atipuma ndipo atimangenge umempha mabara.
2Pavuli pa mazuŵa ghaŵi atizizimuskenge;
pa zuŵa la chitatu atiyuskenge,
mwakuti tije ŵamoyo pa maso pa wo.
3Tiyeni tiziŵe, ndi tifwiririyepo
kuziŵa Ambuya; kuruta kwawo nkhwambura
kukayika nge nkhumatandakucha;
azenge kwaku ifwe nge ndi vuwa,
nge ndi vuwa yakudanga yo yizumbwiska charu.”
4Kumbi ndichitenji kwaku iwe, Efraimu?
Kumbi ndichitenje kwaku iwe Yuda?
Chanju chinu che nge ndi mtambo wa mlenji;
ndi nge ndi dungwi lo likamuka ruŵi.
5Chifukwa ichi ndaŵacheka ndi ŵamuchimi,
ndaŵabaya ndi mazu gha mu mlomo wangu,
ndipo cheruzgu changu chituwa nge mbukweru.
6Chifukwa ndikhumba lisungu, sembe cha;
kumuziŵa Chiuta kwakuruska sembe zakocha.
7Kweni paku Adamu ŵanguswa phanganu;
kwenikuwa ŵanguchita nane kwakuura magomezgeka.
8Gileada ndi msumba wa ŵakuchita
uheni, wanangika ndi ndopa.
9Nge ndimo ŵankhungu ŵakhazgiya munthu,
ndimo so ŵazukuru nawo wawungirana pamoza;
ŵabaya mu nthowa yakurata ku Shekemu,
inya ŵarutiriya kuchita uheni.
10Mu nyumba yaku Yisraele, ndawona chinthu chakuziziswa;
ureŵi waku Efraimu ulimo,
ndipo Yisraele wakazuzgika.
11Ndipo so nawe Yuda vuna wakunozgeke.
Po ndiwezga umampha wa ŵanthu ŵangu,
Currently Selected:
Hoseya 6: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
