Tito 2

Imbata alarori imbazuri

1 # 1 Tim 6:3; 2 Tim 1:13 Te mi’i, mi ’yo e’yo yi sipi imbata alaruri be ’diyi, 2#1 Tim 5:1Mi ma imba ’ba ’wara agupiru ’diyi ovuzu mile be yi agei tezu e’yo driasi, inzita i be, asi e’yere be, ovuzu okporu a’itai pi ma alia, leta pie, asi teza pie. 3#1 Tim 3:11Mi ma azi oku wara ’diyi ’dinile indi, acita yini ma si i ekile ’ba alaru ’diyinirile, yi ma di ’ba ma aji ku, yi, ma ovu ewa ma ati’baru ku; te yi ma ovu ’ba e’yo onyiru imbapi ’diyiru; 4yi ma imba ani oku o’diru ’diyi, agupi yini lezu avasi anzi yini be, 5#Efe 5:22yi ma ovu asi e’yere be, alaru, ’ba aku yini ma azi ngapi ’diyi, ovuzu asi onyiru be, agupi yi ma ngulupini ma e’yo inzizu, ’ba kazu e’yo Munguni o’dazu ku. 6Mi ma imba agupi o’diru ’diyi ’dinile indi oyuzu asi e’yere be. 7#1 Tim 4:12; 1 Pet 5:3E’yo dria ma alia mi ma ece mi ngulupi ovuzu eceta ’yeta onyiruniriru, imbata mini alia mi ma ece e’yo lokiri kokoruri pi, e’yo inzitaruri pie, 8#1 Pet 2:15e’yo cluza alaru ’bani ecole onzozaru kuri pie, ’dini drinza ma bi ’ba ’ba dri arupiri ani, erini ovule e’yo onzi be ’yozaru ama dria aluni kurisi. 9#Efe 6:5; 1 Tim 6:1; 1 Pet 2:18Mi ma imba ati’ba opi yini inzizu, ayiko fezu yi dri e’yo driasi; yi ma omvi e’yo agatasi ku, 10#Tit 1:3yi ma ovu drisisi be ku, te yi ma ece asi adaru e’yo driasi, ifezu imbata Mungu ama Papirini i e’dazu ani ndrizaru e’yo dria ma alia.

11Te ’yeta anzutiri e’da i ’bo, pata ejizu ’ba dria dri, 12#Efe 1:4; 1 Yoh 2:16ama imbazu ama ma ga adriza onzi amani ani Mungu inzizu kuri pi, u nyakuniri be, ama ma ovu wudrikuru curu’dori ma alia asi e’yeresi, e’yo kililiruri pie, adriza amani ani Mungu inzizuri pie; 13#1 Kor 1:7; Rum 5:2; Fil 3:20ama ma lu e’yo teza drilebaru amaniri vu, eri e’daza diza Mungu lamboru ama Papiri Yesu Kristoni e’dazuri’i, 14#Efu 19:5; Azi 4:20; 7:6; 14:2; Zab 130:8; 1 Pet 2:9; 3:13; Gal 1:4; 1 Tim 2:6; Efe 2:10; Eze 37:23eri fe ndra i ngulupi amasi, eri ma onze ama e’yo onzi dria ma alia ani, azini eri ma oji ini ’ba ovuzu suru i ma ngulupiniriru, azi onyiru ’yezu asi driasi.

15 # 1 Tim 4:12 Mi ma ’yo e’yo ’diyi; mi ma omi ’ba asi, mi ma ece e’yo kililiru,’ba dri okpo driasi. ’Ba aluni ma ’ba imi aparakaru ku.

Currently Selected:

Tito 2: LB66

Highlight

Copy

Compare