Tito 1

Zita eri zizu ci ci

1Paulo, ati’bo Munguni, ’ba Yesu Kristoni tini peleri, a’ita ’ba Munguni opele ’diyiniri ma e’yosi, azini nita ’bani e’yo adaru nizu dri fupi adriza ’bani ani Mungu inzizurini lelerileri ma e’yosi indi, 2asi teza idri ’dani ’dani Mungu ecopi inzo lizaru kurini azile ewu ndra driorisiri tezu; 3#Efe 1:9, 10; 1 Tim 1:1, 11eri e’da e’yo erini ewuni dri furia ’yekeria, e’yo oluza fele kule ma dri azita Mungu ama Papirinirisiri ma alia;

4 # 2 Kor 8:23; Gal 2:3; 2 Tim 4:10; 1 Tim 1:2 Tito, mva mani adaru a’ita amani mi be aluri ma aliari vu:

’Yeta anzutiri asi engazu Mungu Ata vu Yesu ama Papiri vu.

Ba ’wara piyi ma e’yo ’ba kanisa andripiri be

5E’yo mani ndra mi kuzu Kireteari ’di, mi ma ede e’yo yini ’vele ku ’diyi kilili, azini mi ma ope ’ba ’wara aku ambo ambo ’diyi vusi ekile mani azile mi tia ’borile; 6#1 Tim 3:2-7’ba nde ma ovu ’ba ’bani asu suzu ruania kuriru, agupi oku alu beri, anzi erini ma ovu ’ba e’yo a’ipi, ’bani yi ma ru ’yole onzi acita saarusi kani edematarasi ku ’diyi. 7#1 Kor 4:1; 1 Pet 5:2; 2 Tim 2:24A’disiku ’ba kanisa andripiri ma ovu ’ba ’bani asu suzu ruania kuriru, erini ovule ’ba azi Munguni ma agei tepiri’irisi; ’ba e’yo ’yepi ini lelerile ku, adra ’bapi mbele ku, lepi ewa mvupi ku, ’ba copi ku, orodri isule geri onzisiri ndrupi kuriru; 8te eri ma ovu ’ba omu a’ipi avasi wa’diru, e’yo onyiru lepi, asi e’yere be, e’yo kililiru be, alatararu, ’ba i ma ngulupi ta mbapiriru; 9#Tit 2:1; 1 Tim 1:10; 2 Tim 4:3e’yo adaru i ojapi kuri ovupi imbatani lelerileri bipi ciriru, eri ma eco ani ’ba imbazaru imbata alarusi, azini ’ba agata gapi ’diyi ndezaru e’yosi indi. 10A’disiku ’ba edematara be, e’yo toko toko o’yopi ’ba icizu ’diyi yi kakau, tuni ’ba agele: liza be ’diyi ma eselia; 11#Tit 3:6; Yoh 10:12; 1 Pet 5:2mi ma oga yi ma tile e’yo ’yoko si, yi adri aku ndu ndu oja pi pi a’ita kuzu yini imbata ’ba ma imba kuri imbaria orodri isule geri onzisiri ma e’yosi. 12’Ba alu yi ma eselia, nabi yi ma ngulupiniri, ’yo ra, ’Ba Kiretea ’diyi ovu etuzu ’ba inzo lipi ’diyiru, obau onziru, ovuouru nyaka nyapi lu’i ’diyi. 13#2 Tim 4:2E’yo eti nzeza ’diri ovu, adaru. E’yo ’dirisi mi ma ega yi dria okposi, yi ma ovu ani okporu a’ita ma alia, 14#1 Tim 4:7yi asi ’bazu e’yo o’yoza toko toko o’dukoru ’ba Yahudini ’diyini erizu ku, kani azita ’ba e’yo adaru kupi ’bo ’diyini erizu ku indi. 15#Mat 15:11; Rum 14:20Afa dria ovu alaru ’ba alaru ’diyi dri, te ’ba ondiru e’yo a’ipi ku ’diyi dri afa aluni ovuni alaru ku; te asisile yini azini ondua yini e’yo onyiru pi ma esele cezu e’yo onzi beri eza yi ’bo, ovu ondiru. 16#2 Tim 3:5Yi e’da tisi kini yi ni Mungu ra, te yi ga eri si ’yeta yini ’yelerisi; yi ovu afa ngule onzirile, e’yo eriza kokoru, yi funi dri azi onyiru ’yezu aluni ku.

Currently Selected:

Tito 1: LB66

Highlight

Copy

Compare