Tito 3
3
’Ba lazu kililiru yeta anzutiri erinisiri
1 #
1 Pet 2:13
Mi ma fe ’ba ma ega ovuzu i inzitasi ’ba opiru ’diyi pi ma palaa ’ba ’ba dri cepi ’diyi be, yi ma e’yo erizu, ovuzu ngonde ’yeta onyiru ’yezu dria, 2#Fil 4:5yi ma o’da ’ba aluni ku, yi ma le agata gaza ku, ma ovu e’yere, asi e’yere ecezu ’ba dria mvu, 3#1 Kor 6:11; Efe 2:2; 5:8Te ama’i indi, ama ovu ndra ondua kokoru, bile kokoru, icizaru e’yosi, ovuzu au’baru li ruani pi ma alia ayiko ndu ndu ’diyi be, adrizu asi onzi pi ma alia ma’yala be, ’ba ngu ndra ama onzi, ama ngu ndra ’ba onzi indi. 4#Tit 2:11; O’be 8:31Te asi onyiru Mungu lama Papirini, azini leta avasi erini ’ba vuri, ka ndra i e’da ra, 5#Efe 2:8, 9; 5:26; Yoh 3:5; 2 Tim 1:9eri pa ndra ama ’yeta ama ma ngulupini ’yele e’yo kililiruri ma alia ’diyisi ku, ite viki erinisi, ama ojizu osiza pale iririsi azini ama ’bazu o’diru Orindi, Alatararurisi; 6#Yoe 2:28eri osu yiki ’diri, ama dria tre aga ra, geri Yesu Kristo ama Papirinirisi, 7#Rum 3:24’dini amani ovuiria lazaru kililiru ’yeta anzutiri erinisi lama ma eca ani ovuzu ’ba awita nyapi ’diyiru, amani ani idri ’daniri tezu lasi tezasi, 8E’yo ’yoza ’diri ovu ’adaru. Azini ma le mi ma olu e’yo ’diyii okposi, kini ’ba Mungu a’ipi ’bo ’diyi; ma fe yi asi ’yeta onyiru ’yezu ’dani. E’yo ’diyi ovu onyiru orodri fezu ’ba dri. 9#1 Tim 4:7Te mi ma ku zita toko efi kokoru ’diyi pi ja, a’bianzi ma ru olazu ’diyi pie, agata gaza pie, awata awazu e’yo azitanisi ’diyi pie; a’disiku e’yo ’diyi ovu toko orodri kokoru. 10#2 Yoh 1:10; Mat 18:15, 16’Ba azini ka i gbu ndu imbata aciaru kuzu ja, mi ka ega eri ma dria pale iri ’bo, mi ga eri si, 11#1 Tim 6:4, 5mini niria ’ba awa’dinile ’diri oja i fuzu ’bo, onzi ’yezu’i; eri li e’yo ini ceni.
Titoni azizu,
12 #
2 Tim 4:12
Ma ka nga Aritema ti pe mi vu jani Tukiko’i yani, mi ma fe mi asi emuzu ma vu Nikopolia, a’disiku ede e’yo ’bo ovuzu ’dale ewu anguni ovuzu ambizaruria dria. 13#’Yeta 18:24; 1 Kor 3:5, 6Mi fe mi asi Zena ’ba e’yo azitani nipiri pi ma ti pezu Apolo be drile; mi ko yi ma aza yi ma ece ani afa azinisi ku. 14#Tit 2:14; Mat 7:19; Efe 4:28, 29Te ’ba amani ma ni ’yeta onyiru ’yezu ’dani, ’ba ma aza kozu candi yini ma alia, yi ma ovu ani efi ’yaza kokoru ku beni,
’Yeta anzutiri
15’Ba dria ovupi ma be ’diyi zi mi ci ci. Mi zi ’ba ama lepi a’ita ma alia ’diyi ci ci indi.
’Yeta anzutiri ma ovu emi be dria.
Currently Selected:
Tito 3: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
