E'yo Eceza 2

E’yo ’yole kanisa Efesoari ma tiari

1 # Eceza 1:13, 16, 20 Mi si malaika kanisa Efesoarini vu kini: ’Ba ’bi’bio aziri bipi i dri ndia, acipi talapati meleru aziri ’diyi ma eseliari, eri ’yo ’dini:

2 # 1 Yoh 4:1 Ma ni ’yeta mini ra, azi ngaza mini pie, asi teza mini be, azini kini mi econi ’ba onzi ’diyi a’izaru aluni ku, mi o’bi ndra ’ba ’yopi yi ngulupi yi ’ba ti opele ’diyiru de yi ovuni ’dini ku ’diyi ra, mi isu yi inzoru; 3mi ovu asi teza be, mi nya candi ru manisi, te mi andeni nga ku. 4Te e’Yo onzi mani isule mi driari ’di, mi ku leta mini okori ’bo. 5Mi ma lega ani pari mini engazu alenia e’dezuri ra, mi ma oja mi asi, mi ’ye ’yeta oko ’diyi. Ka ku ma emu mi vu, ma nga talapati mini ’du pariniasi, mi ka mi asi oja kuria. 6#Zab 139:21Te e’yo mini onyiruri ’di, mi ngu ’ba Nikolaitini ’diyi ma ’yeta mani ngule onzi ’diyi onzi. 7#E’do 2:9; 3:22, 24; Luk 23:43; 2 Kor 12:4; Eceza 22:2; Eze 28:13; 31:8’Ba ovupi bile beri ma eri e’yo Orindini ’yole kanisa riari. ’Ba agapiri dri, ma nga fe eri ima nya pati idrini ovupi Paradisi Munguniriari ma efi.

E’yo ’yole kanisa Simurinaari ma tiari

8 # Isa 44:6; 48:12; Eceza 1:17; 22:13 Mi si malaika kanisa Simurinaarini vu kini: ’Ba ovupi okori azini asizuri, drapi ndra ra te ovupi idriru dikari, ’yo ’dini:

9 # Eceza 3:9; Yak 2:5; 2 Kor 11:14, 15 Ma ni inzata mini pi, alia mini be ra (te mi lonyi e’ini), ma ni vini o’data ’ba ’yopi yi ’ba Yahudini de iyi ovuni ’dini ku ’diyini ra, te yi ’ba Satanini okuleni ’diyi. 10#Dan 1:12, 14; Mat 10:28; Eceza 3:11; 2 Tim 4:8Mi ru candi ’yepi ecapi mi ruaari ku. Mi ne, ’ba asu supiri ’ye emi ma azi o’be arujoa, emi o’bizu ani; emi nga inzata isu o’du mudri. Mi ma ovu asi ada be kpere dra tia, te ma nga ani ekilaza idriniri fe mi dri. 11#Eceza 20:14; 21:8’Ba ovupi bile beri ma eri e’yo Orindini ’yole kanisa tiari. Dra iriri ngani ’ba agapiri fu aluni ku.

E’yo ’yole kanisa Peregamoari ma tiari

12 # Isa 49:2; Ebra 4:12; Eceza 1:16; 19:15 Mi si malaika kanisa Perega moarini vu kini: ’Ba ovupi sei cizaru si be irileirileri beri ’yo dini:

13 # Eceza 13:2; 3:8 Ma ni pari mini adrizuri, ’di pari oguna Sataninirini ovuzuri’i; te mi bi ru mani ci, mi gani a’ita mani ku, ka tro o’du Antipasinisi ti, eri ’ba e’yo mani ma eti nzepi, ’ba mani asi adaru be, yini fule emi eselia, pari Satanini adrizuriari’i. 14#Kal 22:5, 7; 31:16; Azi 23:4; Kal 25:1-3; Yud 1:11Te ma isu e’yo alu alu mi dria ci emini ovule ’ba azini imbata Balamuni bipi ’diyi be ’dale indirisi; eri ’ba Balakini imbapi afa kumuru ’bazu anzi Israelini ma drilia, yini ani afa wura inzile inziri edezuri nyazu azini ali o’bazu indiri’i. 15’Dini emi indi emi ovu ’ba azini imbata ’ba Nikolaitini ’diyini a’ipi ’diyi be. 16Mi oja mi asi ani. Ka’dini ku ma emu mi vu mbele, ma nga a’di ’di yi be sei ma tiliarisi. 17#Efu 16:14-15; 16:33-34; Yoh 6:48-50; Isa 62:2; 65:15; Zab 78:24; Eceza 3:12’Ba ovupi bile beri ma eri e’yo Orindini ’yole kanisa tiari. Ma nga fe ’ba agapiri ma nya mana zizaru, ma nga vini oni emveru fe eri dri, te oni nderi ma ruaa si ru ’ba azinini nile ku, kiri ’ba eri isupirini nileniri’i.

E’yo ’yole kanisa Tuatiraari ma tiari

18 # Dan 10:6 Mi si malaika kanisa Tuatiraarini vu kini: Mvi Munguni, mile be dipi aci ma andre drileleri, azini pa be mola trile tririleri, ’yo ’dini:

19Ma ni ’yeta mini pi, leta mini pie, a’ita mini pie, azi mini aza kozaniri pie, asi teza mini pie, te ’yeta mini vile ’diyi aga oko ’diyi ra. 20#1 Opi 16:31; 2 Opi 9:22, 30; Kal 25:1, 2Te e’yo onzi mani isule mi driari ’di, mi ku oku Yezebeliru, ’yopi i ngulupini nabiniri ovuzu ’dani, erini ati’ba mani ’diyi icizu ani yi imbazu ali o’bazasi, azini afa wura inzile inzi ’diyi edezuri nyazurisi indi. 21Te ma fe ndra ewu eri dri i asi ojazu, te eri leni i asi oja awu ’baza ini kuzu ku. 22Mi ne, ma nga eri ’ba pari dria, azini ’ba ali o’bapi eri be ’diyi inzata amboru ma alia, yi ka yi asi oja ’yeta erini ’diyi kuzu kuria; 23#Zab 7:9; 62:12; Yer 11:20; 17:10ma nga anzi erini ofu drasi. Te kanisa dria yi nga ni ma ’ba asisile pi ndapi asi beri’i, azini ma nga fe emi alu alu dri dria ekile ’yeta eminirile. 24Te ma ’yo emi ’ba acepi Tuatiraa, imbata ’diri a’ipi ku, e’yo Satanini ’bani adrile omvele e’yo aliru va ’diyi nipi ku ’diyi ma tia: ma o’bani afa nziza azini emi dria ku; 25#Eceza 3:11kiri e’yo ovupi emi be indiri, emi bi ci cazu etu mani emuzuria. 26#Zab 2:8-9’Ba agapi azini ’yeta mani ta mbapi cazu etu asizuriari dri, ma nga okpo fe suru ’diyi dri cezu, 27#Eceza 12:5azini eri nga yi oce kali ayarusi, ekile yini imvu Isile odrisi ’diyi ofule nyingirikirile, ekile mani a’ile ma Ati dririle; 28ma nga vini leleu fe eri dri. 29’Ba ovupi bile beri ma eri e’yo Orindini ’yole kanisa tiari.

Currently Selected:

E'yo Eceza 2: LB66

Highlight

Compare

Copy