E'yo Eceza 3

E’yo ’yole kanisa Saridisiari ma tiari

1 # Eceza 5:6; 1:16 Mi si malaika kanisa Saridisiarini vu kini ’Ba ovupi Orindi Munguni aziri piyi be, ’bi’bio aziri pieri ’yo ’dini:

Ma ni ’yeta mini; mi ovu ru be kini mi idriru, dere mi dra ’bo. 2#Eze 34:4Mi ma te mi agei mile be, mi ’ba lafa acepi ’yepi drapi ’diyi okporu, a’disiku ma isuni ’yeta mini capi kililiru Mungu mani ma miliani ku. 3#Mat 24:43-44; Luk 12:39-40; Eceza 16:15; 1 Tes 5:2Mi ega ani e’yo mini a’ile ’bori azini erile ’bori; mi ma mba yi ma ta, mi cia mi asi. Mi ka mi agei te mile be ku, ma nga emu oguoule, te mi ngani etu mani emuzu mi vuri ni ’laluni ku. 4#Yud 1:23Te mi ovu ru alu alu be Saridisia indi, ’ba afa suza yini ezapi ku ’diyi; yi nga aci ma be bongo emveru be, a’disiku e’yo nderini yi sile rarisi. 5#Efu 32:32-33; Zab 69:28; Eceza 4:4; 6:11; 7:9; 20:12; Fil 4:3; Mat 10:32; Luk 12:8Yi nga ’ba agapiri osu afa suza emverusi, azini ma ngani ru erini ini buku idriniri ma aliasi aluni ku; te ma nga ru erini e’da ma Ati ma milia, malaika erini be. 6’Ba ovupi bile beri ma eri e’yo Orindini ’yole kanisa tiari.

E’yo ’yole kanisa Filadelefiaari ma tiari

7 # Isa 22:22; Yob 12:14 Mi si malaika kanisa Filadele-fiaarini vu kini: ’Ba alatarare, ’ba ladaru, ovupi fungua Daudiniri be, ’lafa ma ti zipi te ’ba aluni ngani tini opi ku, azini afa ma ti opipi te ’ba laluni ngani tini zi kuri ’yo ’dini:

8 # 1 Kor 16:9 Ma ni ’yeta mini. Mi ne, ma ’ba jorile zizaru ’ba aluni ecole opile kuri imi drilia ’bo; ma ni kini mi ovu okpo ibe were, te ti mi mba e’yo mani ma ta ’bo, azini mi gani ru mani ku. 9#Isa 49:23; 60:14; 43:4; 45:14; 66:23Mi ne, ma fe ’ba Satanini okuleni, ’yopi kini yi ’ba Yahudini de yi ovuni ’dini ku, te yi ’ba inzo lipi ’diyi -mi ne, ma nga fe yi ma emu yi ecozu va mi palaa inzizu, yi ma ni ani kini ma le mi ra. 10#Eceza 13:10; Ebra 10:36; Luk 21:19; 2 Tim 2:12Mini asi teza maniri ma e’yo oluza ma ta mbalerisi, ma nga vini mi ta mba indi etu ’ba o’bizu ngapi ecapi angu wudrikuru drisi dria, ’ba ovupi nyakua ’diyi o’bizurisi. 11#Eceza 1:3; 2:5, 10Ma emu mbele; mi bi afa ovupi mi beri ci, ’ba aluni kazu ekilaza mini pazu ku. 12#Eceza 21:2; 14:1; 22:4; Eze 48:35; Gal 2:9; Isa 62:2; 65:15Ma nga ’ba agapiri ’ba ovuzu pati idiaferu hekalu Mungu manirini ma alia; eri ngani fu ’daarisi dika ku, te ma nga Mungu maniri ma ru si eri i ma dria, azini aku Mungu manirini ma ru, ’di Yerusalemu o’diru engapi ’bua Mungu maniri yo esipi vari’i, ma nga vini ru ma vile o’diruri si indi, 13’Ba ovupi bile beri ma eri e’yo Orindini ’yole kanisa tiari.

E’yo ’yale kanisa Laodikiaari ma tiari

14 # O’be 8:22; Zab 89:37; Yoh 1:3; Kol 1:15 Mi si malaika kanisa Laodikiaarini vu kini: Amena nderi ’yo ’dini, eri ojiou e’yo eti nzepi kililiru azini adaru, afa Munguni o’bale ’diyi e’dopi okori’i:

15 # Eceza 2:2; Rum 12:11 Ma ni ’yeta mini ra, mi ambini ku, mi drini vini ku indi. Ma le te mi ma ovu ambizaru kani drizaru! 16’Dini mini tole kiri yuu, drizaru ku kani ambizaru kurisi, ma ’ye ani mi ogbe ma tiliarisi va. 17#Kal 12:8; 1 Kor 3:18; 4:8Mini ’yole kini, Ma afa e’ini, ma isu lonyi ’bo, lomere azini ndeni ma ku; de mi nini mi ocokoru tu, azini candiru, azini alioru, azini mile draza be, azini pililiru ’diniri kurisi, 18#1 Pet 1:7; Isa 55:1; Eceza 16:15ma imba mi, mi ma je ma vu mele edele alaru acisiri, mi ma eca lonyi e’iru beni; afa suza emveru mi ma su mi ruaa, drinza mi rua pililiruriniri kazu e’dazu ku; azini mile aro mi mile efizu, mi ma ndre angu ani beni. 19#O’be 3:12; Ebra 12:6; 1 Kor 11:32Ma adri ega ’ba dria mani lele ’diyi ma dria, ma adri vini yi imba ra; mi ma ’ba ani ava, mi asi ojazu beni. 20#Mar 13:14; Yoh 14:23; Luk 12:36; 22:29Mi ne, ma pa so jotile kpozu; ’ba azini ka o’duko mani eri, ka jotile zi, ma nga fi eri yo, ama nga nyaka nya eri be, azini eri’i ma be. 21#Mat 19:28Ma nga fe ’ba agapiri ma ri va ma be oguna mani ma dria, ekile mani agale ’bo azini rile va ma Ati be ogula erini ma driarile. 22’Ba ovupi bile beri ma eri e’yo Orindini ’yole kanisa tiari.

Currently Selected:

E'yo Eceza 3: LB66

Highlight

Compare

Copy