E'yo O'beza 8
8
Ondua eri e’yo onyiru tu, ovupi ’dani ’daniri
1 #
O’be 1:20-21; 9:3; 1 Kor 1:24 Ondua oyuni uru ku ya? E’yo vaza engani eri ma o’duko ku ya?
2Eri so pa angu nguru ma dria geri tia, pari geri aritiaria;
3eri so pa kalitilea pari ’bani fizu akuaria, eri wu okposi pari ’bani fizu kalitilearia:
4Emi agupi la, ma emi omve fo, o’duko mani ovu anzi ’bani vu!
5Emi ’ba ondua kokoru ’diyi la, emi va ondua fo! Emi ’ba azazaru ’diyi la, emi asi ma va e’yo indi fo!
6 #
Zab 49:3; O’be 2:6, 7; Kol 1:26 Emi eri, mani ngale e’yo onyiru turi ’yolerisi, mani ma tile ziria e’yoni nga ovu kililiru;
7 #
Yoh 8:14; Rum 15:8 mani ngale e’yo adaru ’yole ma tilesirisi; e’yo onziri ovu e’yo ma tileni ngule onziri,
8E’yo efupi ma tilia ’diyi yi dria e’yo kililiruni; e’yo goligoliru kani lokiriru yi ma eselia aluni yo.
9Yi dria kililiru ’ba e’yo vapiri dri, yi onyiru ’ba nita isupi ’diyi dri.
10Emi a’i imbata mani, emi a’i dahabu ku, emi pe nita aga mele onyiru turi ra
11 #
Yob 28:15; Zab 19:10 onduani nyoro ekaru ’diyi agale onyisi rarisi, ’ba econi afa dria ’bani ecole lele ’diyi o’bizaru eri be ku.
12Ma’i, ma ondua’i, ma ’ba e’yo onduaruri ovuzu jo maniru, ma nita pi isu e’yo vaza be.
13 #
O’be 16:6; 4:24; Zek 8:17; 1 Pet 5:5 Rota Yehovani ruzuri eri e’yo Ma ngu afu pi, ambo pie, geri onziniri pie, tile lokiriruri pie dria onzi.
14 #
Ekl 7:19
E’yo amazari pi nita adaruri be yi mani, ma e’yo vaza be, ma okpo be indi.
15 #
Dan 2:21; Mat 28:18; Rum 13:1 Opi yi angu nya masi, azini opianzi yi e’yo li kilili masi;
16’ba ’wara ’diyi yi ’ba dri ce masi, azini ’ba amboru ’diyi, ’ba e’yo lipi nyakua ’diyi pie dria.
17 #
1 Sam 2:30; Yak 1:5 Ma le ’ba ma lepi ’diyi ra, azini ’ba ma ndapi asi driasi ’diyi nga ma isu ra.
18 #
Mat 6:33
Lonyi pi ovu ma vu inzita be, ada, lonyi i depi kuri pi onyi he.
19 #
Yob 28:15; O’be 3:14 Efi kaza maniri onyiru aga mele ra, adaru aga mele alaruri ra, orodri maniri aga dahabu onyiru turi ra.
20Ma aci geri e’yo kililiruriniri ma alia, geri e’yo lizaniri ma alia agadua,
21ma ma fe ’ba ma lepi ’diyi ma a’i lonyi awitaru ani, ero yini lonyi ta mbazu ’diyi gazu tre.
22 #
Eceza 3:14; O’be 3:19; Yoh 1:1 Ma mira driowu afa Yehovani, erini geri ini e’dozurisi, de eri ngani nga azi ini oku driori ku.
23 #
E’do 1:26; Zab 2:6; Mik 5:2; Yoh 17:24 ’Ba ma uru engazu drio, engazu e’dozaniria, de nga nyaku ovuni indi ku.
24Osi ndra ma de nga yi aliruri yo, de yi a’di yi be tre ’diyi ovuni nga ku.
25 #
Yob 15:7
Osi ndra ma de nga oni amboru soni pa ku, de oni were ’diyi yo,
26de eri ’bani nga nyaku pi angu aseru be ku, de nga eri e’doni nga irifura nyakuniri ’bazu ku.
27Erini ndra ’bu ’baria, de ma indi, erini lokiri osiria yi aliru ’diyi ma driaria,
28erini ’bu iriti be ururi ’baria pa sozu okporuria, erini yi a’di yi aliruniri ’baria pa sozu okporuria,
29 # Yob 38:10, 4 erini miri dri lokiri feria, yi mirini ma aga ani kalati ini azileri ku beni, erini nyaku eti o’biria,
30 #
Yoh 1:1, 2, 18; Mat 3:17; Kol 1:13 ewu ’darisi ma ovu eri be ekile onduou azi dri cepirile; ma ndra ayikoru eri dri o’du aria, ovuzu ayikosi eri ma milia ’dani,
31 #
Isa 4:2; Zab 16:3 ovuzu ayikosi nyaku erini ’bani ovuzu aleniarisi, ovuzu nyoŋasi anzi ’banisi.
32 #
Luk 11:28
E’yo ’disi, anzi mani la, emi co emi bile ma vu fo! A’disiku ’ba geri mani ma ta mbapi ’diyi yi drilebaru.
33Emi eri imbata, emi ovu onduaru ani, emi ga eri si ku.
34’Ba ma eripi ma mile gapi etuzu kalitile mania, tepi ’dani pati mani jotile i’dizuri ma tia ogogori drilebarunini.
35 #
Yoh 3:16, 36; Fil 3:8, 9 A’disiku ’ba ma isupiri isu ’di idrini, eri asi ndriza isu Yehova dri.
36 #
Ebra 2:3
Te ’ba ma ezapiri eza ’di ma ngulupi’i; ’ba ma ngupi onzi ’diyi le ’di drani.
Bible in Lugbara © United Bible Societies, 1966.