E'yo O'beza 30
30
E’yo Agurini ecele ’diyi
1E’yo Aguri Yake mvini ’yole ’diyi; e’yo ecezani, Agu nde ’yo Itieli ma tia, adani Itieli pi ma tia Ukali be:
2 #
Zab 73:22
Ada ma ondua kokoro aga ’ba azini ’diyi dria ra, Ma ovuni e’yo vaza ’ba’baruri be ku.
3Ma onini ondua ku, ma ovuni vini nita Mungu Alatararoniri be ku,
4 #
Yoh 3:13; Yob 38:4 A’di tu ndra uru ’bua azini esi va ranini ya? A’di oku ndra oli i ma dria ranini ya? A’di ombe ndra yi mirini i ma bongosi ranini ya? A’di ’ba nyaku ma kalati driani pa sozu okpore ’danini ya? Runi a’di’i ya? Mva erini ma ru ngoni ya? Mi ka ni ra!
5 #
Zab 12:6; 18:30; 84:11 O’bi e’yo ’yoza Munguni dria ’bo; eri gomberele ’ba eri a’ipi ’diyi dri.
6 #
Azi 4:2; Eceza 22:18 Mi o’ba e’yo azini e’yo ’yoza erini ma cina ku, eri kazu egazu mi dria ku, mi kazu e’dazu inzo’baru ku.
7Ma mi zi e’yo iri ’diyisi; mi ma ga feko ma dri si ku de nga ma drani ku;
8 #
Mat 6:11
Mi co ma esele e’yo tokori pisi e’yo inzorori be re; mi fe ma dri alio ku, kani lonyi amboru tu ku indi; mi fe ma dri nyaka capi masiri’i,
9 #
Azi 8:12; Neh 9:25; Hos 13:6 ma kazu ovuzu; afa be tre mi gazu si ’yozu kini. Yehovani a’di ya? ’dinini ku; ma kazu vini ovuzu alioro tu, afa oguzu, Mungu mani ma ru cozu toko ku.
10Mi su asu ati’bo ma ruaa inzosi opi erini vu ku, eri kazu mi o’dazu ku, azini e’yo nde kazu mi ndezu ku.
11Anzi ’bani azini indi, yi ma atapi o’dapi ’diyi, yi feni asi ndriza yi andripi dri ku.
12 #
Isa 65:5; Luk 18:11; Tit 1:15, 16 Anzi ’bani azini indi yi ’bapi alaru ceni yi ma ngulupi ma milia ’diyi, te de yi ojini nga yi ma ondi alaru ku.
13Anzi ’bani azini indi-yi enga yi ma mile uru afusi ’doni ya! Mile ongoco’bi yini enga yi uru tu ’doni ya!
14 #
Yob 29:17; Zab 14:4; Amo 8:4 Anzi ’bani azini indi, si yini seile, sikala yini si ekile elile, ’ba alioru ocizu nyakuarisi ra, ’ba afa kokoru onyazu ’ba ma eseliarisi ra indi.
15Drudru ma ezoanzi yi iri; yi ’yo ’dani, Mi fe, mi fe. Afa ecopi trapi ku ’diyi yi na indi; adani, afa ’diyi su ’yoni vini kini, ca ’bo-’dinini ku:
16 #
O’be 27:20; Hab 2:5 Pari ’ba drazaniri pi, opojo ondoruri pie, nyaku ozoo mvupi ti, yini cazu erini kuri pie, aci ’yopi, ca ’bokuri pie indi.
17 #
E’do 9:22; Lev 20:9 ’Ba ma mile i atini ’bapi aparakaru, i andrini edepi inzimakoruri, koreke e’buti alia ’diyi nga mileefini oga ra, roko anzi nga eri ma za oce ra,
18Afa na indi ma dri osutaru tu aga ra: adani, afa su mani e’yoni nile ku ’diyi:
19geri ajini sazu ’buari pi, geri urini acizu oni ma ruaari pie, geri oguruni acizu miri ma aliari pie, geri agupi pini zamva beri pie.
20Oku ali o’bapiri adri ’ye ’dinile: eri nya ra, eri i ma ti ini ra, te eri ’yo ra, Ma ezani ku.
21Nyaku ya ya e’yo nasi; adani, e’yo su erini ecole a’ile ku ’diyisi:
22 #
O’be 19:10; Ekl 10:7 ati’bo ’bale opiruri pi, ’ba ondua kokoru trapi nyakasiri pie,
23oku ngule onzi mupi agupia ’bori pie, zamva ati’boru oku i ma driliari ma afa nyapi awurusoruri pie.
24Afa su ’diyi yi nyiri nyiri nyakua, te yi onduaru tu:
25 #
O’be 6:6
yekia yi ovuni suru okporu ku, te ti, yi nyaka yini ma ta mba ayisi;
26 #
Lev 11:5; Zab 104:18 ando yi suru okpo kokoruri, te ti, yi ’ba jo yini oni ojia;
27ombi ovuni opi be ku, te ti, yi fu mu dria tualu ngulu ngulu;
28’ba eco olokoto ’duzu drisi, te ti, eri adri ovu opi vile jo ma alia.
29Afa na aci nyonasi; adaru afa su yi aci yini nyoga be tu:
30kami, anyapa dria ndepi okposi, i ojapi kalaa afa azini ma e’yosi aluni kuri pi;
31oce ongu be turi pie, ndriago pie, azini opi ’bani engazu ruania kuri pie.
32 #
Ekl 8:3; Mik 7:16; Rum 3:19 Mi ka ’ye onduaakosi mi ipizu, kani mi ka e’yo onzi otu mi asia, mi bi mi ti mi drisi ci.
33A’disiku ’ba ka lesu co ra oduni nga efuni, te ’ba ka ’ba omvule nyi arini nga efuni; ’dinile indi ’ba ka adra ’ba okposi awatani nga efuni.
Bible in Lugbara © United Bible Societies, 1966.