E'yo O'beza 31
31
Imbata opi ma asi omisu
1E’yo opi Lemuelini ’yole ’diyi; e’yo eceza eri ma andrini eri imbazuri:
2Ma mvi, ngoni ya? E’yo ngoni ya, mva ma ma opojoniri? Te e’yo ngoni ya, mi mva oyo soza mani ’diyiniri?
3 #
Azi 17:17; Neh 13:26; O’be 7:26; Hos 4:11 Mi ma fe okpo mini okuyi dri ku, kani adriza mini afa adripi opi dri japiri dri ku indi.
4 #
Ekl 10:17
Lemueli la, sini opi yi ku, ada, patiefi su mvuzuri sini opi yi ku; opianzi ma ’yo, Ewa ngoa? ’diniri ku yi kazu mvuzu ku, yi dri kazu
5 #
Hos 4:11
ani azita ma e’yo avizu ku, yi kazu ’ba inzale ’diyi ma azi ma e’yo ezazu e’yo lizasi ku.
6 #
Zab 104:15
Mi fe mini afa mvuza okporuri ’ba ’yepi dri japiri dri, mi fe patiefi su ’ba asi otipi tu ’diyi dri;
7mi fe eri ma mvu, alio erini ma e’yo ma avi eri dri ani, eri ma ega candi ini dika beni.
8Mi zi mi tile ’ba e’yo ’yopi ku ’diyi ma aza kozu, ’ba dria adile kule a’dule ’diyi ma e’yosi indi.
9 #
Lev 19:15; Azi 1:16; 2 Sam 8:15; Isa 1:17, 23; Zek 7:9; Yoh 7:24; Ebra 1:9; O’be 21:13; Yer 22:16 Mi zi mi tile, mi li e’yo kililiru, mi li e’yo ’ba alioru ’diyi pini kilili ’ba afa kokoru ’diyi be. Oku adieyaruri inzizu
10A’di eco oku onyiruri isuzaruni ya? E’yo erini aga nyoro ekaru ajeambosi ’diyi drianiri ra.
11Agupi oku nderini a’i eri ma e’yo asi driasi, eri ngani ece afa onyiru ’bani isulerisi ku.
12Eri agupi ini ’ye onyiru, ’yeni eri onzi ku, ewu ini ovuzu idrirurisi dria.
13Eri kabilo ma ’biko nda pamba be, eri azi nga i ma drisi ceni.
14Eri si ekile oguru afa ejipi ’diyile; eri nyaka ini eji engazu ziri.
15 #
Rum 12:11; Mat 24:45; Luk 12:42 Eri enga de nga angu atini ku, eri nyaka awa ’ba i vile akua ’diyi dri, azini eri azi awa ezoanzi ini dri indi.
16Eri adri amvu azini ma e’yo ega, jezu indi; azi eri ma dripamvunirisi eri isi zabibu amvua.
17Eri a’di okpo i ma opilia opilemvuru, eri fe i ma wuni ovuzu okporu.
18Eri ndre afa oziza ini ovu orodriru. Eri ma tala inyuni i inisi ku.
19Eri ’ba i dri afa kabilo ’biko pizuri ma ruaa, dri ini bi pati kabilo ’biko trazu ruaniari ci.
20Eri aja i dri ’ba alioru dri, ada, eri eju i dri ’ba afa kokoru ’diyi vu.
21Eci ovuni urisi si emverusi, egazu egbeni nga ’ba i vile akua ’diyi fu, ’dinini ku, a’disiku ’ba dria i vile akua ’diyini bongo ekaru sule yi ma ruaarisi,
22Eri ca i dri birisi lokondresi; eri su i ruaa bongo cale pamba alarusiri pi okalakokalaruri be.
23 #
Azi 16:18; O’be 12:4; 1 Kor 11:7 Agupi erini kalitilea ’ba e’dazani, erini riria ’ba ’wara suruni ’diyi ma eselia,
24Eri bongo ede pamba alarusi, fezu yi ozizu; eri opilemvu erini pile ’diyi fe ’ba adripi afa ozipiri dri.
25 #
1 Tim 2:9, 10 Okpo pi inzita be yi eri ma bongoru, eri ogu ayikosi e’yo ngapi ecapi ndorisi.
26Eci zi i tile e’yo ’yozu onduasi, eri ma andre dria imbata yikiniri ci.
27 #
O’be 14:1; 1 Tim 5:14; 2 Tim 3:15; Tit 2:4, 5 Eri ndre ’ba i vile akua ’diyi ma geri onyiru, eri nyani enya ovuniri ku.
28 #
1 Opi 2:19
Anzi erini enga awa’difosi eri ma ru inzizu; agupi erini enga indi, te eri inzi eri ra, kini:
29Ezoanzi kakau ’ye onyiru tu, te mi aga yi dria ra.
30 #
Zab 112:1
E’daza onyiruri alia lokiri ci, rua ndriza eri toko, te oku Yehovani rupiri, yi nga eri inzi’i.
31Mi fe eri ma isu azi ini ’yele i drisiri ma orodri, ’yeta erini ’yele ’diyi ma ovu inzitaru eri dri kalitilea.
Bible in Lugbara © United Bible Societies, 1966.